News Telugu: ప్రేక్షకులు ఆసక్తిగా ఎదురుచూస్తున్న భారతీయ టెలివిజన్లో అత్యంత ప్రజాదరణ పొందిన రియాలిటీ షో బిగ్బాస్ కొత్త సీజన్ ప్రారంభానికి సిద్ధమైంది. బాలీవుడ్ స్టార్ సల్మాన్ ఖాన్ (Salman Khan) హోస్ట్గా వ్యవహరించనున్న ఈ షో 19వ సీజన్ ఈరోజు రాత్రి అట్టహాసంగా ప్రారంభం కానుంది.
అంతర్జాతీయ తారల ఎంట్రీ?
ఈ సీజన్పై ఇప్పటికే ఒక సంచలన వార్త బయటకు వచ్చింది. విశ్వసనీయ సమాచారం ప్రకారం, ప్రపంచ ప్రఖ్యాత మాజీ బాక్సర్ మైక్ టైసన్ (Boxer Mike Tyson)ఈ సీజన్లో వైల్డ్ కార్డ్ కంటెస్టెంట్గా ఎంట్రీ ఇవ్వనున్నారని వార్తలు వస్తున్నాయి. ఆయన రాక దాదాపు ఖాయం అయ్యిందని, తుది ఒప్పందం కోసం చర్చలు జరుగుతున్నాయని తెలుస్తోంది.
అంతేకాకుండా, WWE లెజెండ్ ‘ది అండర్టేకర్’ కూడా నవంబర్లో ఒక వారం పాటు ప్రత్యేక అతిథిగా బిగ్బాస్ హౌస్లో కనిపించనున్నారని ఊహాగానాలు వెల్లువెత్తుతున్నాయి. ఇవి నిజమైతే, భారత టెలివిజన్ చరిత్రలోనే ఇది ఒక పెద్ద రికార్డు అవుతుంది.
అత్యధిక కాలం నడిచే సీజన్
ఈ సీజన్ కేవలం అంతర్జాతీయ తారల రాకతోనే కాకుండా, దాని నిడివితో కూడా ప్రత్యేకతను సంతరించుకోబోతోంది. మొత్తం ఐదు నెలల పాటు ఈ షో ప్రసారం కానుంది.
- తొలి మూడు నెలలు సల్మాన్ ఖాన్ హోస్ట్గా వ్యవహరించనున్నారు.
- ఆ తర్వాతి రెండు నెలలు కరణ్ జోహార్, ఫరా ఖాన్, అనిల్ కపూర్ లాంటి ప్రముఖులు హోస్టింగ్ బాధ్యతలు చేపడతారని సమాచారం.
చివరి ఎపిసోడ్కు తిరిగి సల్మాన్ ఖాన్ వస్తారని తెలుస్తోంది.
ఈ సీజన్ కంటెస్టెంట్లు
బిగ్బాస్ 19లో పలు టెలివిజన్, సోషల్ మీడియాలో పాపులర్ అయిన తారలు పాల్గొంటున్నారని సమాచారం. వారిలో గౌరవ్ ఖన్నా, అష్నూర్ కౌర్, బసీర్ అలీ, సివెట్ తోమర్, జైషన్ క్వాద్రీ, పాయల్ గేమింగ్, షఫాక్ నాజ్ వంటి పేర్లు ఉన్నాయి. అలాగే, జియోహాట్స్టార్ యాప్లో జరుగుతున్న ‘ఫ్యాన్స్ కా ఫైస్లా’ లైవ్ పోలింగ్ ద్వారా మృదుల్ తివారీ లేదా షెహబాజ్ బదేశాలో ఒకరు ప్రేక్షకుల ఓట్లతో ఎంపికవుతారు.
ఎక్కడ చూడొచ్చు?
బిగ్బాస్ 19 మొదటి ఎపిసోడ్ ఈరోజు రాత్రి జియోహాట్స్టార్లో రాత్రి 9 గంటలకు స్ట్రీమింగ్ కానుంది.
అదేవిధంగా, టెలివిజన్ ప్రేక్షకుల కోసం కలర్స్ టీవీలో రాత్రి 10:30 గంటలకు ప్రసారం చేయనున్నారు.
Read hindi news: hindi.vaartha.com
Read also: