టాలీవుడ్ అగ్ర నటుడు, హిందూపురం హ్యాట్రిక్ ఎమ్మెల్యే నందమూరి బాలకృష్ణ (Balakrishna) నేడు (జూన్ 10) తన పుట్టినరోజును జరుపుకుంటున్నారు. ఈ సందర్భంగా సినీ, రాజకీయ ప్రముఖుల నుంచి, అభిమానుల నుంచి ఆయనపై శుభాకాంక్షలు వెల్లువెత్తుతున్నాయి. తాజాగా, ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కల్యాణ్ కూడా బాలకృష్ణకు హృదయపూర్వక జన్మదిన శుభాకాంక్షలు తెలియజేశారు. మంగళవారం నాడు ఆయన ఒక ప్రకటన విడుదల చేస్తూ బాలకృష్ణ సినీ ప్రస్థానాన్ని, ప్రజా సేవను కొనియాడారు.
పవన్ కల్యాణ్ సందేశం:
“శతాధిక చిత్రాల కథానాయకుడు, హిందూపురం శాసనసభ్యులు శ్రీ నందమూరి బాలకృష్ణ గారికి హృదయపూర్వక జన్మదిన శుభాకాంక్షలు” అని పవన్ కల్యాణ్ పేర్కొన్నారు. బాలకృష్ణ చారిత్రక, జానపద, పౌరాణిక వంటి విభిన్న పాత్రలను పోషించి తెలుగు ప్రేక్షకుల హృదయాల్లో చెరగని ముద్ర వేశారని ఆయన ప్రశంసించారు.
ప్రజా సేవకు అభినందనలు:
కేవలం సినీ రంగంలోనే కాకుండా, ప్రజా జీవితంలోనూ బాలకృష్ణ చేస్తున్న సేవలను పవన్ కల్యాణ్ అభినందించారు. “దైవ భక్తి మెండుగా కలిగిన శ్రీ బాలకృష్ణ గారికి సంపూర్ణ ఆయురారోగ్యాలు, సుఖసంతోషాలను అందించాలని పరమేశ్వరుణ్ణి ప్రార్థిస్తున్నాను” అని తన ప్రకటనలో పేర్కొన్నారు.
Read also: Chiranjeevi: యోగా ప్రపంచానికి ఒక గొప్ప బహుమతి: చిరంజీవి
Srinivasa Rao: కొమ్మినేని శ్రీనివాసరావుకు 14 రోజుల రిమాండ్ విధించిన కోర్టు