నాగార్జున తెలుగు సినీ పరిశ్రమలో తనకంటూ ప్రత్యేకమైన గుర్తింపు సంపాదించుకున్న హీరో నాగార్జున, అక్కినేని ఫ్యామిలీకి ఉన్న క్రేజ్ అంతా ఇంతా కాదు. యూత్ నుంచి సీనియర్ ప్రేక్షకుల వరకూ అందరికీ చేరువైన ఈ నటుడు, తన నటనతో అన్ని తరాలకు దగ్గరయ్యాడు. అయితే, తాజాగా ఆయన చేస్తున్న సినిమాలు, పాత్రల ఎంపిక సినిమాభిమానుల్లో కొత్త చర్చకు దారితీసింది ప్రస్తుతం తమిళ్ సినిమా ఇండస్ట్రీలో కూడా బిజీగా ఉన్న నాగార్జున, సూపర్ స్టార్ రజనీకాంత్ ప్రధాన పాత్రలో నటిస్తున్న ‘కూలీ’ సినిమాలో విలన్ పాత్రను పోషిస్తున్నారు. అలాగే, మరో తమిళ హీరో ధనుష్ సినిమాలో కూడా కీలక పాత్రలో కనిపించనున్నారు. రజనీకాంత్ సినిమాలో చేసిన ఈ విలన్ పాత్ర, ధనుష్ సినిమాలో చేసిన క్యారెక్టర్ ఆర్టిస్ట్ పాత్రలు, ఇప్పటివరకు ఆయన కెరీర్లో ఎప్పుడూ చేయని విభిన్నమైన పాత్రలు కావడం విశేషం ఇలాంటి పాత్రలు ఎంచుకోవడం వెనుక కారణం ఏమిటని కొన్ని వర్గాలు చర్చిస్తుంటే, మరికొంతమంది మాత్రం “నటుడు అన్నప్పుడు అన్ని రకాల పాత్రల్లో మెరవాలి” అని అభిప్రాయపడుతున్నారు హీరోగా చేసే పాత్రలు ఎల్లప్పుడూ పరిమితమైనవి ఉంటాయి కానీ, విలన్ లేదా క్యారెక్టర్ ఆర్టిస్ట్ పాత్రలు చేయడం ద్వారా డిఫరెంట్ పాత్రల్లో నటించే అవకాశం ఉంటుంది. అందుకే నాగార్జున ఇలాంటి వైవిధ్యమైన పాత్రలను ఎంచుకుంటున్నారనేది వారి మాట ఇంకా, నాగార్జున తెలుగులో తన సమకాలీన హీరోలతో ఇలాంటి పాత్రలను చేయడానికి ఒకరకమైన ఇబ్బంది ఉండవచ్చని సినీ విశ్లేషకులు అభిప్రాయపడుతున్నారు. ఎందుకంటే, తెలుగు హీరోలతో ఆయన విలన్ గా నటించడం వారి ఫ్యాన్ బేస్ పై ప్రభావం చూపవచ్చని భావిస్తున్నారు. అందుకే, తమిళ సినిమాల్లో ఇలాంటి పాత్రలకు ప్రాధాన్యత ఇస్తున్నారని భావిస్తున్నారు.
లోకేష్ కనగరాజ్ దర్శకత్వంలో తెరకెక్కుతున్న ‘కూలీ’ సినిమాలో నాగార్జున పోషిస్తున్న విలన్ పాత్ర చాలా శక్తివంతంగా ఉంటుందని ఇప్పటికే దర్శకుడు తెలిపాడు. ఇది ‘విక్రమ్’ సినిమాలో సూర్య పోషించిన ‘రోలెక్స్’ పాత్రకు సమానంగా, మరింత గుర్తింపును సంపాదించుకునే పాత్రగా ఉంటుందని చిత్రబృందం పేర్కొంది సూర్య పాత్ర ఎంత ప్రజాదరణ పొందిందో, నాగార్జున పాత్ర కూడా అంతటి సక్సెస్ అందుకుంటుందన్న నమ్మకం ఉంది ఇలాంటి విలన్ పాత్రలు నాగార్జున కెరీర్లో కొత్త మలుపు తిప్పే అవకాశముంది తమిళ సినిమాలో రజనీకాంత్ పక్కన పవర్ఫుల్ పాత్రలో నటించడం, ధనుష్ సినిమాలో క్యారెక్టర్ ఆర్టిస్ట్గా కనిపించడం, నాగార్జున నటనలో ఉన్న వైవిధ్యాన్ని చూపిస్తుంది తెలుగు సినిమాల్లో కూడా ఇలాంటి విభిన్న పాత్రల కోసం ఆయన ప్రయత్నిస్తారా, లేక తమిళ ఇండస్ట్రీలో మాత్రమే ఇలాంటి పాత్రలను చేయడానికే ప్రాధాన్యత ఇస్తారా అనే విషయంపై సినీ పరిశ్రమలో ఆసక్తి నెలకొంది ఇంతకుముందు నాగార్జున చాలా విభిన్నమైన పాత్రల్లో నటించి ప్రేక్షకులను మెప్పించారు అలాంటి సందర్భంలో, ఈ కొత్త పాత్రలు ఆయన కెరీర్ను కొత్త పథంలో తీసుకెళ్తాయా? ప్రేక్షకులకు మరింత చేరువవుతాయా? అనేది వేచి చూడాల్సిందే.
