యాంకర్ సుమ కనకాల తనయుడు రోషన్ కనకాల హీరోగా నటించిన రెండో చిత్రం ‘మోగ్లీ’ డిసెంబర్ 13న థియేటర్లలో గ్రాండ్గా విడుదలైంది. ఇప్పటికే ‘బబుల్ గమ్’ సినిమాతో హీరోగా తెరంగేట్రం చేసిన రోషన్, ‘మోగ్లీ’ సినిమాతో (Mowgli Movie) ప్రేక్షకుల ముందుకు వచ్చారు. ఈ సినిమాకు ప్రీమియర్స్ చూసిన ప్రేక్షకులు సోషల్ మీడియాలో తమ అభిప్రాయాలను పంచుకుంటూ పాజిటివ్ రెస్పాన్స్ ఇస్తున్నారు.
Read Also: OTT Movie: ఓటీటీలోకి రాజు వెడ్స్ రాంబాయి’ స్ట్రీమింగ్ డేట్ ఫిక్స్
డైరెక్టర్ సందీప్ రాజ్: ఫారెస్ట్ బ్యాక్డ్రాప్లో రొమాంటిక్ డ్రామా
‘మోగ్లీ’ సినిమాకు ‘కలర్ ఫోటో’ సినిమాతో జాతీయ స్థాయిలో గుర్తింపు తెచ్చుకున్న డైరెక్టర్ సందీప్ రాజ్ దర్శకత్వం వహించారు. షార్ట్ ఫిల్మ్స్ తీస్తూ సినిమా ప్రపంచంలోకి అడుగుపెట్టిన సందీప్, కరోనా లాక్డౌన్ సమయంలో ఓటీటీలో విడుదలైన ‘కలర్ ఫోటో’తో దర్శకుడిగా మంచి పేరు తెచ్చుకున్నారు. దాదాపు ఐదేళ్ల గ్యాప్ తర్వాత ఆయన దర్శకత్వంలో తెరకెక్కిన ఈ ‘మోగ్లీ’ సినిమా ఒక ఫారెస్ట్ బ్యాక్డ్రాప్ రొమాంటిక్ డ్రామా. ఇందులో రోషన్ కనకాలకు జోడీగా సాక్షి మడోల్కర్ హీరోయిన్గా నటించగా, బండి సరోజ్ కుమార్ విలన్ పాత్ర పోషించారు.
ప్రీమియర్ షోల రెస్పాన్స్: నటన, కెమిస్ట్రీకి ప్రశంసలు
పీపుల్ మీడియా ఫ్యాక్టరీ బ్యానర్పై టీజీ విశ్వ ప్రసాద్ నిర్మించిన ఈ సినిమా డిసెంబర్ 13న థియేటర్లలో విడుదలైంది. ప్రీమియర్ షోలు చూసిన ప్రేక్షకులు సోషల్ మీడియాలో తమ అభిప్రాయాలను తెలియజేస్తూ, సినిమాకు బ్లాక్ బస్టర్ ఎక్స్పీరియన్స్ వచ్చిందని అంటున్నారు. రోషన్ యాక్టింగ్ అదరగొట్టేశాడని, హీరోహీరోయిన్ల మధ్య కెమిస్ట్రీ, లవ్ ట్రాక్, మరియు సాంగ్స్ చాలా బాగున్నాయని ప్రశంసలు కురిపిస్తున్నారు.
Read hindi news: hindi.vaartha.com
Epaper : epaper.vaartha.com
Read Also: