Mohanlal: ‘ఎల్2ఈ: ఎంపురాన్’ మార్చి 27న వరల్డ్ వైడ్ రిలీజ్ మలయాళ మెగాస్టార్ మోహన్ లాల్ ప్రధాన పాత్రలో నటిస్తున్న ‘L2E: ఎంపురాన్’ చిత్రం సినీ ప్రియుల్లో భారీ అంచనాలు పెంచుతోంది. ప్రతిభావంతుడైన దర్శకుడు పృథ్వీరాజ్ సుకుమార్ తెరకెక్కిస్తున్న ఈ భారీ బడ్జెట్ సినిమా మార్చి 27న విడుదల కాబోతోంది.
ఆశీర్వాద్ సినిమాస్ శ్రీ గోకులం మూవీస్ బ్యానర్లపై ఆంటోనీ పెరుంబవూర్, గోకులం గోపాలన్ నిర్మాణ బాధ్యతలు నిర్వహిస్తున్నారు.తాజాగా ముంబైలో జరిగిన ప్రత్యేక కార్యక్రమంలో చిత్రానికి సంబంధించిన ఐమ్యాక్స్ ట్రైలర్ను గ్రాండ్గా విడుదల చేశారు. ఇనార్బిట్ మాల్లో జరిగిన ఈ వేడుకలో మోహన్ లాల్, పృథ్వీరాజ్ సుకుమారన్, మంజు వారియర్ వంటి ప్రముఖులు పాల్గొన్నారు. ట్రైలర్ విడుదలైన వెంటనే ప్రేక్షకుల నుంచి అద్భుతమైన స్పందన లభించింది. ఇది పూర్తిగా రాజకీయ కుట్రలు, వ్యూహాలతో నిండిన ఆసక్తికరమైన కథతో వస్తున్నట్టు స్పష్టమైంది.
ఈ చిత్రంలో మోహన్ లాల్కు తోడు టోవినో థామస్, జెరోమ్ ఫ్లిన్, అభిమన్యు సింగ్, ఆండ్రియా తివాదర్, సూరజ్ వెంజరమూడు, ఇంద్రజిత్ సుకుమారన్, మంజు వారియర్ కీలక పాత్రలు పోషిస్తున్నారు. అలాగే సోనియా అయ్యప్పన్, సాయికుమార్, బైజు సంతోష్, ఫాజిల్, సచిన్ ఖేదేకర్, నైలా ఉష, గిజు జాన్, నందు, శివాజీ గురువాయూర్, ఎస్ మణికుట్టన్ తదితరులు ఇతర పాత్రల్లో కనిపించనున్నారు.
2019లో ప్రేక్షకుల ముందుకు వచ్చిన ‘లూసిఫర్’ చిత్రానికి ఇది సీక్వెల్గా రూపొందుతోంది. ఆ సినిమాను చూసి అభిమానులు ఎంతగానో మెచ్చుకున్న నేపథ్యంలో ‘ఎంపురాన్’పై భారీ అంచనాలు నెలకొన్నాయి. ఈ చిత్రాన్ని తెలుగు, హిందీ, కన్నడ, తమిళ భాషల్లో విడుదల చేయడానికి సన్నాహాలు జరుగుతున్నాయి. అంతేకాక, ఈ సినిమా ఐమ్యాక్స్ ఫార్మాట్లో విడుదల కానుండటంతో విజువల్ ట్రీట్గా ఉండబోతుందని అంటున్నారు సినీ విశ్లేషకులు.
‘లూసిఫర్’లో మోహన్ లాల్ పోషించిన పాత్రను మరింత శక్తివంతంగా మలచేందుకు పృథ్వీరాజ్ సుకుమార్ ప్రత్యేక శ్రద్ధ వహించినట్లు ట్రైలర్ చూస్తే అర్థమవుతోంది. శత్రువులను ఎదుర్కొంటూ తన రాజ్యాన్ని, ప్రజలను కాపాడే శక్తివంతమైన నాయకుడిగా మోహన్ లాల్ ఈ సినిమాలో కనిపించనున్నారు.
ట్రైలర్లోని డైలాగులు, సన్నివేశాలు ప్రేక్షకులను విపరీతంగా ఆకట్టుకుంటున్నాయి.సినిమా టెక్నికల్ వైపు చూస్తే, అద్భుతమైన విజువల్స్, హై ఓల్టేజ్ బ్యాక్గ్రౌండ్ స్కోర్, స్మార్ట్ స్క్రీన్ ప్లేతో సినిమా భారీ విజయాన్ని సాధించే అవకాశాలు ఎక్కువగా ఉన్నాయని ట్రేడ్ అనలిస్టులు అంచనా వేస్తున్నారు. మరి ‘ఎంపురాన్’ సినీ ప్రేమికుల అంచనాలను ఎంతవరకు అందుకుంటుందో మార్చి 27న తెలియనుంది!