Media Deal: వార్నర్ బ్రదర్స్ (Warner Bros.) స్టూడియో కొనుగోలు ప్రక్రియలో గ్లోబల్ మీడియా రంగం ఊహించని మలుపు తిరిగింది. ఈ మెగా డీల్ రేసు నుండి ప్రముఖ స్ట్రీమింగ్ దిగ్గజం నెట్ఫ్లిక్స్ (Netflix) అధికారికంగా తప్పుకోవడంతో, మరో బిడ్డర్ అయిన పారామౌంట్ గ్లోబల్ – స్కైడాన్స్ మీడియా (Paramount Global–Skydance Media) కన్సార్టియంకు మార్గం సుగమమైంది. అంతర్జాతీయ మీడియా మార్కెట్లో ఈ విలీనం అత్యంత కీలకమైన పరిణామంగా నిలవనుంది.
Read Also:Aya Sher Song Controversy: నాని ‘ప్యారడైజ్’ సాంగ్పై కాపీ వివాదం
తాజా సమాచారం ప్రకారం, పారామౌంట్ మరియు స్కైడాన్స్ సంస్థలు సుమారు 111 బిలియన్ డాలర్ల భారీ మొత్తానికి వార్నర్ బ్రదర్స్తో ఒప్పందం కుదుర్చుకునే దిశగా అడుగులు వేస్తున్నాయి. అంతకుముందు నెట్ఫ్లిక్స్ తన వైపు నుండి 82 బిలియన్ డాలర్ల ఆఫర్ను ప్రతిపాదించినప్పటికీ, ప్రత్యర్థి సంస్థ అంతకంటే ఎక్కువ మొత్తాన్ని ఆఫర్ చేయడంతో పోటీ నుంచి తప్పుకోవడమే మేలని నిర్ణయించుకుంది. ప్రత్యర్థి సంస్థ కంటే ఎక్కువ మొత్తాన్ని వెచ్చించడం కంపెనీ ఆర్థిక స్థితిగతులకు శ్రేయస్కరం కాదని నెట్ఫ్లిక్స్ స్పష్టం చేసింది.
నెట్ఫ్లిక్స్ తీసుకున్న ఈ వ్యూహాత్మక నిర్ణయం స్టాక్ మార్కెట్లో సానుకూల ప్రభావం చూపింది. అనవసరపు రుణాల భారం పెంచుకోకుండా డీల్ రేస్ నుంచి తప్పుకోవడంతో పెట్టుబడిదారుల విశ్వాసం ఒక్కసారిగా పెరిగింది. దీని ఫలితంగా కంపెనీ షేర్లు సుమారు 13 శాతం వరకు ఎగబాకాయి. ఈ పరిణామంతో పారామౌంట్-స్కైడాన్స్ విలీనం ద్వారా హాలీవుడ్ చరిత్రలోనే అతిపెద్ద మీడియా సామ్రాజ్యం ఆవిర్భవించే అవకాశం కనిపిస్తోంది.
Read hindi news: hindi.vaartha.com
Epaper: epaper.vaartha.com
Read Also:
