మంచు మనోజ్ (Manchu Manoj) చాలా ఏళ్ల తర్వాత హీరోగా నటిస్తున్న సినిమా ‘డేవిడ్ రెడ్డి’. (David Reddy movie) హనుమ రెడ్డి యక్కంటి దర్శకత్వంలో ఈ చిత్రం తెరకెక్కుతోంది. వెంకట్ రెడ్డి, భరత్ మోటుకూరి దీనికి నిర్మాతలు. బ్రిటీష్ ఇండియా కాలం నాటి బ్యాక్ డ్రాప్ లో ఇంటెన్స్ యాక్షన్ డ్రామా స్టోరీతో భారీ స్థాయిలో ఈ చిత్రాన్ని రూపొందిస్తున్నారు. ఈ సినిమాలో మెగా పవర్ స్టార్ రామ్ చరణ్, నటుడు శింబు అతిథి పాత్రల్లో కనిపించనున్నారంటూ గత కొన్ని రోజులుగా వస్తున్న ప్రచారానికి మనోజ్ (Manchu Manoj) తెరదించారు. ఆ వార్తల్లో నిజం లేదని, ఇప్పటివరకూ ఆ పాత్రల కోసం తాము ఎవరినీ సంప్రదించలేదని స్పష్టం చేశారు.
Read Also: Chinmayi: నిధీ అగర్వాల్ ఘటనపై చిన్మయి ఫైర్
ఇంకా చాలా సమయం ఉంది
బుధవారం హైదరాబాద్లో ఈ చిత్రం టీజర్ను విడుదల చేశారు. ఈ కార్యక్రమంలో మీడియా అడిగిన ప్రశ్నకు మనోజ్ బదులిస్తూ.. “సినిమాలో అతిథి పాత్రలకు మంచి స్కోప్ ఉంది. కానీ, ఆ పాత్రల కోసం ఇంకా ఎవరినీ ఫైనల్ చేయలేదు. దానికి ఇంకా చాలా సమయం ఉంది. సమయం వచ్చినప్పుడు తప్పకుండా ఆ వివరాలు నేనే వెల్లడిస్తాను” అని వివరించారు.
ఈ సినిమాలో ‘వార్ డాగ్’ అనే ప్రత్యేకమైన బైక్ కీలక పాత్ర పోషిస్తుందని మనోజ్ తెలిపారు. ప్రభాస్ నటించిన ‘కల్కి’ చిత్రంలోని ‘బుజ్జి’ కారును రూపొందించిన బృందమే ఈ బైక్ను కూడా తయారు చేసిందని చెప్పారు. సుమారు 700 కేజీల బరువుండే ఈ బైక్ సినిమాకు ప్రత్యేక ఆకర్షణగా నిలుస్తుందని ఆయన అన్నారు.
Read hindi news: hindi.vaartha.com
Epaper : epaper.vaartha.com
Read Also:
