మంచు మోహన్బాబు కుమార్తెగా ఇండస్ట్రీలో అడుగుపెట్టిన మంచు లక్ష్మి ఎప్పుడూ తనకంటూ ప్రత్యేకమైన ఇమేజ్ కోసం కృషి చేస్తున్నారు. ఇతర హీరోయిన్లలా గ్లామర్కే పరిమితం కాకుండా, తాను ఎంచుకున్న పాత్రల ద్వారా ప్రత్యేకత చూపించేందుకు ప్రయత్నిస్తుంటారు. ప్రస్తుతం ఆమె నటించిన దక్ష – ది డెడ్లీ కాన్స్పిరసీ సినిమా విడుదలకు సిద్ధమవుతోంది. దీంతో ఆమె ప్రమోషన్లలో బిజీగా మారారు.ఈ ప్రమోషన్లలో భాగంగా మంచు లక్ష్మి (Manchu Lakshmi), సీనియర్ సినీ జర్నలిస్టు వీఎస్ఎన్ మూర్తి (Journalist VSN Murthy)కి ఇంటర్వ్యూ ఇచ్చారు. అయితే అక్కడ ఒక ప్రశ్న వివాదానికి దారి తీసింది. 50 ఏళ్లకు దగ్గరవుతున్న మీరు ఎందుకు ఇలాంటి డ్రెస్సులు వేసుకుంటున్నారు? అని మూర్తి ప్రశ్నించగా, ఆమె తీవ్రంగా స్పందించారు.
మహిళలపై ప్రశ్నించడమే తప్పు
ఆ ప్రశ్నపై లక్ష్మి ఆగ్రహం వ్యక్తం చేస్తూ, ఇలాంటి ప్రశ్న అడిగే హక్కు మీకు ఎవరు ఇచ్చారు? మహేశ్ బాబుకి కూడా 50 ఏళ్లు వస్తున్నాయి. ఆయన షర్ట్ విప్పి నటిస్తే అడుగుతారా? మహిళలకే ఎందుకు ఇలాంటి ప్రశ్నలు వేస్తారు? అని కడిగిపారేశారు.ఈ వీడియో సోషల్ మీడియాలో వైరల్ అయ్యింది. నెటిజన్లు లక్ష్మి వైపు నిలబడి కరెక్ట్గా బుద్ధి చెప్పావు అక్కా” అంటూ కామెంట్లు చేశారు. చాలా మంది మహిళలపై ఇలాంటి ప్రశ్నలు వేయడం ఆపాలని డిమాండ్ చేశారు.
ఫిర్యాదుతో కొత్త మలుపు
ఈ వ్యవహారాన్ని మంచు లక్ష్మి అక్కడితో వదల్లేదు. తాజాగా ఆమె ఫిల్మ్ ఛాంబర్కు అధికారికంగా ఫిర్యాదు చేశారు. తన ఫిర్యాదులో, “నాలుగేళ్ల తర్వాత నేను ప్రొడ్యూసర్గా కూడా మారి, నా తండ్రి మోహన్బాబుతో కలిసి నటించే ప్రాజెక్ట్ కోసం కష్టపడ్డాం. కానీ ఆ ఇంటర్వ్యూలో సినిమా గురించి ఒక్క మాట కూడా అడగకుండా, నా వయసు, శరీరం, దుస్తులపై కించపరిచేలా ప్రశ్నించారు. ఇది జర్నలిజం కాదు. కేవలం వైరల్ కావాలనే ప్రయత్నం మాత్రమే” అని పేర్కొన్నారు.లక్ష్మి తన ఫిర్యాదులో మరోసారి స్పష్టం చేశారు. “మగవాళ్లు ఎక్కువగా ఉన్న ఈ పరిశ్రమలో నేను సాధించిన స్థాయి పట్ల గర్వంగా ఉంది. కానీ ఇలాంటి ప్రవర్తనను వదిలేస్తే సమస్య మరింత పెరుగుతుంది. అందుకే వీఎస్ఎన్ మూర్తిపై కఠిన చర్యలు తీసుకోవాలి” అని కోరారు.
సినీ పరిశ్రమలో చర్చలు
ఈ సంఘటన ఫిల్మ్ నగరంలో హాట్ టాపిక్గా మారింది. జర్నలిజం పరిమితులు, మహిళలపై ప్రవర్తన, సినీ పరిశ్రమలో గౌరవం వంటి అంశాలపై మళ్లీ చర్చలు మొదలయ్యాయి. పలువురు నటీమణులు లక్ష్మి ధైర్యాన్ని ప్రశంసిస్తున్నారు.ఈ ఘటనతో సినీ పరిశ్రమలో మహిళల గౌరవం, మీడియా బాధ్యతలపై మళ్లీ చర్చలు మొదలయ్యాయి. జర్నలిస్టులు అడిగే ప్రశ్నలకు ఒక గీత గీయాలా? మహిళల వ్యక్తిగత జీవితం మీద కాకుండా వారి పనిపై దృష్టి పెట్టాలా? అనే ప్రశ్నలు మరోసారి ముందుకు వచ్చాయి.
Read Also :
