కోలీవుడ్ యాక్షన్ హీరోగా, విలక్షణ నటుడిగా పేరుపొందిన విశాల్ (Vishal) తన పుట్టినరోజు సందర్భంగా అభిమానులకు మరపురాని బహుమతి ఇచ్చారు. ఆయన ప్రేయసి, ప్రముఖ నటి సాయి ధన్సికతో నిశ్చితార్థం శుక్రవారం చెన్నైలోని తన నివాసంలో ఘనంగా జరిగింది. ఈ వేడుకకు ఇరు కుటుంబాల సభ్యులు, అత్యంత సన్నిహితులు మాత్రమే హాజరయ్యారు. పెద్దగా హంగు ఆర్భాటాలు లేకుండా జరిపిన ఈ కార్యక్రమం ప్రస్తుతం సోషల్ మీడియాలో హాట్ టాపిక్గా మారింది. ముఖ్యంగా, ఈ జంట ఉంగరాలు మార్చుకుంటున్న ఫొటోలు వైరల్ అవుతూ అభిమానుల్లో భారీ స్థాయిలో ఆనందాన్ని కలిగిస్తున్నాయి.విశాల్ – సాయి ధన్సిక (Vishal and Dhansika) ప్రేమకథ గత ఏడాది నుంచే సినీ వర్గాల్లో చర్చనీయాంశమైంది. అయితే, ఈ సంవత్సరం మే నెలలోనే ఈ ఇద్దరూ అధికారికంగా ప్రేమలో ఉన్నట్టు ప్రకటించారు. అప్పటి నుంచి వీరి వివాహం ఎప్పుడవుతుందనే ఆసక్తి అభిమానుల్లో పెరిగింది. అసలైన ప్లాన్ ప్రకారం, విశాల్ పుట్టినరోజైన ఈరోజే పెళ్లి జరగాల్సి ఉందని సమాచారం. కానీ, అనుకోని కారణాలతో పెళ్లి వాయిదా పడింది.
భవనం నిర్మాణం పూర్తయిన తర్వాతే పెళ్లి
అయితే, విశాల్ ఎంతో ప్రతిష్ఠాత్మకంగా భావిస్తున్న నడిగర్ సంఘం (తమిళ నటీనటుల సంఘం) భవన నిర్మాణ పనులు ఇంకా పూర్తి కాకపోవడంతో పెళ్లిని వాయిదా వేసుకున్నట్లు తెలుస్తోంది. ఆ భవనం నిర్మాణం పూర్తయిన తర్వాతే పెళ్లి చేసుకుంటానని విశాల్ గతంలో ప్రకటించారు.ఇక నటి సాయి ధన్సిక విషయానికొస్తే, జూనియర్ ఆర్టిస్ట్గా కెరీర్ ప్రారంభించి తన ప్రతిభతో ఎదిగారు. సూపర్ స్టార్ రజినీకాంత్ నటించిన ‘కబాలి’ చిత్రంలో ఆయన కూతురి పాత్రలో అద్భుతంగా నటించి దేశవ్యాప్తంగా గుర్తింపు తెచ్చుకున్నారు. ఈ సినిమా తర్వాత ఆమెకు తమిళంతో పాటు తెలుగులోనూ వరుస అవకాశాలు వస్తున్నాయి. ప్రస్తుతం ఇద్దరూ తమ కెరీర్లో బిజీగా ఉండగా, త్వరలోనే వీరి పెళ్లి తేదీని ప్రకటించే అవకాశం ఉంది.
విశాల్ కుటుంబం గురించి చెప్పండి?
విశాల్ తండ్రి జి.కృష్ణన్ ప్రముఖ నిర్మాత. విశాల్ సోదరుడు విక్రం కృష్ణ కూడా సినీ నిర్మాతగా ఉన్నారు.
విశాల్ నిశ్చితార్థం ఎవరితో జరిగింది?
2025లో విశాల్, ప్రముఖ నటి సాయి ధన్సికతో నిశ్చితార్థం జరిగింది.
Read hindi news: https://hindi.vaartha.com/
Read Also: