భారతీయ సినీ సంగీత చరిత్రలో ఇళయరాజా పేరు ఒక మైలురాయి. ఆయన రాసిన స్వరాలు, ఆయన అందించిన సంగీత మాధుర్యం నేటికీ కోట్లాది మంది అభిమానుల హృదయాలను తాకుతూనే ఉన్నాయి. నాలుగు దశాబ్దాలకు పైగా ఆయన స్వరపరిచిన వేల కొద్దీ పాటలు ఈ రోజుకీ ఎవర్గ్రీన్ హిట్లుగా నిలుస్తున్నాయి. ఆయన పాటల ప్రత్యేకత ఏంటంటే, అందులోని మాధుర్యం కాలంతో కూడి తగ్గిపోకుండా తరతరాలను ఆకట్టుకోవడమే.కానీ గత కొన్నేళ్లుగా ఇళయరాజా (Ilayaraja) పేరు తరచూ కాపీరైట్ వివాదాల నేపథ్యంలో వినిపిస్తోంది. తాను స్వరపరిచిన పాటలను అనుమతి లేకుండా వాడుకోవడాన్ని ఆయన తీవ్రంగా వ్యతిరేకిస్తున్నారు. ఇప్పటికే పలువురిపై కాపీరైట్ ఉల్లంఘన కేసులు వేసిన ఆయన తాజాగా మరోసారి కోర్టు తలుపు తట్టారు.
ఈ పాటలను సినిమాలో వాడుకోవడం
‘గుడ్ బ్యాడ్ అగ్లీ’ (Good Bad Ugly Movie) అనే తమిళ చిత్రంలో ఆయన అనుమతి లేకుండా కొన్ని ప్రసిద్ధ పాటలను వాడుకున్నారని ఇళయరాజా ఆరోపిస్తున్నారు. అజిత్కుమార్ హీరోగా, అధిక్ రవిచంద్రన్ దర్శకత్వంలో వచ్చిన ఈ సినిమాలో ‘ఇళమై ఇదో ఇదో’, ‘ఒత్త రూబాయుం తారెన్’, ‘ఎన్ జోడి మంజకరువి’ వంటి సూపర్హిట్ పాటల బిట్స్ను మైత్రీ మూవీ మేకర్స్ వినియోగించారని ఆయన న్యాయవాదులు కోర్టుకు తెలియజేశారు.
సంగీతకారుడు ఇళయరాజా తరపు న్యాయవాదులు త్యాగరాజన్, శరవణన్ వాదన ప్రకారం – తన అనుమతి లేకుండా ఈ పాటలను సినిమాలో వాడుకోవడం కాపీరైట్ చట్టానికి విరుద్ధమని స్పష్టం చేశారు. ఈ కారణంగా నిర్మాతలపై రూ.5 కోట్ల పరిహారం విధించాలని, అలాగే వారం రోజుల్లో ఆ పాటల భాగాలను సినిమా నుంచి తొలగించాలనే ఆదేశాలు ఇవ్వాలని కోర్టును అభ్యర్థించారు.ఈ కేసు ధర్మాసనం ఈ నెల 8వ తేదీకి వాయిదా వేసింది.
సినిమా కూడా తనతోనే చేసేందుకు
అజిత్కుమార్, త్రిష హీరో హీరోయిన్లుగా అధిక్ రవిచంద్రన్ డైరెక్షన్లో వచ్చిన ‘గుడ్ బ్యాడ్ అగ్లీ’ చిత్రం తొలిరోజే మిక్స్డ్ టాక్ని సొంతం చేసుకుంది. అయినప్పటికీ అనూహ్యంగా రూ.250 కోట్లకు పైగా కలెక్షన్లతో అజిత్ సత్తాని నిరూపించింది. అధిక్ వర్క్కి ఇంప్రెస్ అయిన అజిత్.. నెక్ట్స్ సినిమా కూడా తనతోనే చేసేందుకు గ్రీన్సిగ్నల్ ఇచ్చాడు. అయితే తాజాగా ‘గుడ్ బ్యాడ్ అగ్లీ’ మూవీ కాపీరైట్ ఇష్యూతో వార్తల్లోకెక్కడం చర్చనీయాంశమైంది. కొత్త సినిమాల్లో సందర్బానుసారం పాత ట్యూన్స్ని వాడుకోవడం ఎప్పటి నుంచో ఉందని, దానికే కేసులు పెట్టడం సరికాదని కొందరు అభిప్రాయపడుతున్నారు.
ఈ వ్యవహారంలో చాలామంది ఇళయరాజాని తప్పుబడుతున్నారు. మ్యూజిక్ డైరెక్టర్ నిర్మాత దగ్గర డబ్బులు తీసుకుని ట్యూన్స్ ఇస్తాడు కాబట్టి, వాటిపై అన్ని హక్కులు నిర్మాతకే ఉంటాయి తప్ప, మ్యూజిక్ డైరెక్టర్స్కి ఉండవని అంటున్నారు. సినీ ఇండస్ట్రీలో లెజెండ్గా గుర్తింపు పొందిన ఇళయరాజా అంటే అందరికీ గౌరవం ఉంటుందని, ఇలాంటి చర్యలతో తన ప్రతిష్ఠను ఆయనే తగ్గించుకుంటున్నారని కొందరు అభిప్రాయపడుతున్నారు.
ఇళయరాజా ఎప్పుడు, ఎక్కడ జన్మించారు?
ఇళయరాజా 1943 జూన్ 2న తమిళనాడులోని తిరువారూర్ జిల్లా పన్నైపురంలో జన్మించారు.
ఇళయరాజా ఇప్పటివరకు ఎన్ని సినిమాలకు సంగీతం అందించారు?
ఆయన 1,000కి పైగా సినిమాలకు సంగీతం సమకూర్చారు. దాదాపు 7,000కి పైగా పాటలు కంపోజ్ చేశారు.
Read hindi news : hindi.vaartha.com
Read also:
