తెలుగు సినీ పరిశ్రమలో ఒక ప్రత్యేకమైన స్థానాన్ని సంపాదించుకున్న నటుడు నందమూరి బాలకృష్ణ. ఆయన కెరీర్కి 50 ఏళ్లు పూర్తి కావడం, ఆ ప్రయాణం అంతా విజయాలతో, అభిమానం సంపాదించడంలోనే గడవడం విశేషం. ఇటీవల వరల్డ్ బుక్ ఆఫ్ రికార్డ్స్ బాలయ్య (World Book of Records Balayya) కు ఈ అరుదైన గౌరవాన్ని అందించింది. ఈ కార్యక్రమంలో సినీ, రాజకీయ రంగాల ప్రముఖులు పాల్గొని ఆయనను ఘనంగా సత్కరించారు.బాల నటుడిగా ‘తాత మనవడు’లో ఎంట్రీ ఇచ్చిన బాలయ్య, తర్వాత హిట్ సినిమాలతో తనదైన స్థానాన్ని ఏర్పరుచుకున్నారు. ముఖ్యంగా పౌరాణిక, యాక్షన్ ఎంటర్టైన్మెంట్ సినిమాలతో ఆయనకున్న ఫ్యాన్ బేస్కి రెండో స్థానం లేదని చెప్పొచ్చు ‘అఖండ’ వరకు వచ్చిన ప్రతీ చిత్రంలో బాలయ్య ఎనర్జీ ప్రేక్షకులను మైమరిపించింది.ఈ ఏడాది విడుదలైన ‘డాకు మహారాజ్’ భారీ విజయాన్ని సాధించింది. బాక్సాఫీస్ వద్ద కలెక్షన్లతో పాటు అభిమానుల హృదయాలను గెలుచుకుంది. ఈ విజయంతో బాలయ్య మరోసారి తన మార్కెట్, తన క్రేజ్ ఏమాత్రం తగ్గలేదని నిరూపించారు.
వచ్చే సినిమా కోసం అభిమానులు ఆతృతగా ఎదురుచూస్తున్నారు
ప్రస్తుతం బాలయ్య, బోయపాటి శ్రీను కాంబినేషన్లో వస్తున్న ‘అఖండ 2’లో నటిస్తున్నారు. ఈ చిత్రం మొదట సెప్టెంబర్ 25న రిలీజ్ కావాల్సి ఉంది. అయితే నిర్మాణ సంబంధిత కారణాల వల్ల వాయిదా వేసినట్లు నిర్మాతలు ప్రకటించారు. కానీ కొత్త రిలీజ్ డేట్ను ఇంకా వెల్లడించలేదు. ఈ జోడీ నుంచి వచ్చే సినిమా కోసం అభిమానులు ఆతృతగా ఎదురుచూస్తున్నారు.దీని తర్వాత ఆయన గోపీచంద్ మలినేనితో, క్రిష్ జాగర్లమూడితో సినిమాలు చేయనున్నారు. ఈ వయసులో కుర్రాళ్ల కంటే వేగంగా సినిమాలు తీస్తోన్న బాలయ్య ఎనర్జీని చూసేస్తే ముచ్చటేస్తుంటుంది. నందమూరి బాలకృష్ణ (Balakrishna) 50 ఏళ్ల సినీ ప్రస్థానం పూర్తిచేసుకున్న సందర్బంగా వరల్డ్ బుక్ ఆఫ్ రికార్డ్స్ ఆయన్ని ఘనంగా సత్కరించింది. శనివారం హైదరాబాద్లో జరిగిన ఈ వేడుకకు సినీ, రాజకీయ ప్రముఖులు హాజరయ్యారు. ఇటీవల కాలంలో తన బీజీఎంతో బాలయ్య సినిమాలకు ప్రాణం పోస్తున్న తమన్ ఈ కార్యక్రమంలో చేసిన కామెంట్స్ వైరల్ అవుతున్నాయి.
బాలయ్య బాబు అన్ని రికార్డులు
‘బాలకృష్ణ గారిని చూస్తే నాకు మాటలు రావు. ఆయన్ని ఏదైనా తీసుకుని కొట్టాలనిపిస్తుంది. బాలయ్య సినిమాలంటే మీకు అంత ఎనర్జీ ఎక్కడి నుంచి వస్తుందని చాలామంది నన్ను అడుగుతుంటారు. ఆ విషయం నాక్కూడా తెలియదు. ఆయన సినిమాలకి మ్యూజిక్ చేస్తున్నప్పుడు నా చేతుల్లో కొత్తగా కత్తులు, కర్రలు వచ్చేస్తాయి. అలా ఎందుకు జరుగుతుందో డాక్టర్స్ నా డీఎన్ఏని టెస్ట్ చేయాలి’ అని సరదాగా అన్నారు తమన్. ‘అఖండ 2’ గురించి మాట్లాడుతూ.. ఆ సినిమాతో బాలయ్య బాబు అన్ని రికార్డులు తిరగరాస్తారు. ‘అఖండ’ కంటే ఎన్నోరెట్లు అద్బుతంగా ఉంటుంది. ఈరోజు బాలయ్య బుక్ రికార్డులు చూస్తున్నారు. త్వరలో రాబోయే ‘అఖండ 2’తో ఇండస్ట్రీలో సరికొత్త రికార్డులు చూస్తారు’ అంటూ హైప్ పెంచేశారు తమన్. చాలామంది తన కెరీర్ని ‘అఖండ’ బిఫోర్, ఆఫ్టర్ అని అంటున్నారని, తనకి ఇంత పేరు రావడానికి బాలయ్యే కారణమని తెలిపారు.
ఇండస్ట్రీని డెవలప్ చేయాల్సిన అవసరం ఉంది
ఈ కార్యక్రమంలో బాలకృష్ణ మాట్లాడుతూ… ఎన్ని సినిమాలు చేశామన్నది తప్ప రికార్డుల గురించి నేను పట్టించుకోను. ఎప్పుడూ నాన్నగారి స్ఫూర్తితోనే ఆయన దారిలో వెళ్తుంటా. ఏపీలో ఫిల్మ్ ఇండస్ట్రీని డెవలప్ చేయాల్సిన అవసరం ఉంది. అక్కడ అద్భుతమైన లొకేషన్లు ఉన్నాయి. కళకి ప్రాంతం, భాషా అన్న భేదం లేదు. తెలుగు సినిమా ఆస్కార్ రేంజ్కి వెళ్లింది. తెలుగు వారి సత్తా ఏంటో సినిమాల ద్వారా ప్రపంచానికి చాటగలుగుతున్నాం. ఇది తెలుగువారిగా మనమంతా గర్వించాల్సిన సమయం’ అని అన్నారు.
Read hindi news: hindi.vaartha.com
Read also: