కన్నడ సినిమా పరిశ్రమలో వరుసగా వస్తున్న సంస్కృతి ఆధారిత చిత్రాల జాబితాలో ఇప్పుడు ‘కొరగజ్జ’(Koragajja) కూడా చేరుతోంది. తులునాడు ప్రాంతంలో ఆరాధ్యంగా భావించే కొరగజ్జ దైవం ఆధారంగా రూపొందుతున్న ఈ చిత్రానికి సాహిత్య అకాడమీ అవార్డు గ్రహీత సుధీర్ అత్తవర్ దర్శకత్వం వహిస్తున్నారు. త్రివిక్రమ్ సాపల్య నిర్మాణంలో తెరకెక్కుతున్న ఈ సినిమా ప్రస్తుతం పోస్ట్-ప్రొడక్షన్లో ఉంది.
Read Also: OTT: ఓటీటీలోకి వచ్చేసిన హిట్ సినిమాలు
తులునాడు సంస్కృతి నేపథ్యంతో రూపొందుతున్న శక్తివంతమైన సినిమా
సాహిత్య రంగంలో ప్రత్యేక గుర్తింపు పొందిన సుధీర్ అత్తవర్ ఈ సినిమాలో కథ, స్క్రీన్ప్లే, సంభాషణలు అన్నీ స్వయంగా అందిస్తున్నారు. తులునాడు ప్రాంతపు సంప్రదాయాలు, ఆచారాలు, విశ్వాసాలను కొత్త కోణంలో చూపించే ప్రయత్నం ఈ చిత్రంలో ఉందని చిత్రబృందం చెబుతోంది. ‘కాంతార’లో(‘Kantara’) భూతకోళ సంప్రదాయం ఎలా ప్రేక్షకులను ఆకట్టుకుందో, అదే స్థాయిలో ‘కొరగజ్జ’ కూడా సంస్కృతి మూలాలని ఆధారంగా చేసుకుని వస్తోంది.
గోపీ సుందర్ సంగీతం – గ్రాండ్ ఆడియో లాంచ్ ప్రత్యేక ఆకర్షణ
ఈ చిత్రానికి(Koragajja) ప్రముఖ సంగీత దర్శకుడు గోపీ సుందర్ సంగీతం అందించగా, ఇటీవల మంగళూరులో జరిగిన ఆడియో లాంచ్ వేడుక ఘనంగా జరిగింది. ప్రఖ్యాత గాయకులు శ్రేయా ఘోషల్, సునిధి చౌహాన్, శంకర్ మహదేవన్, అర్మాన్ మాలిక్, జావేద్ అలీ వంటి ప్రముఖులు పాడిన పాటలు సినిమాపై భారీ హైప్ క్రియేట్ చేశాయి.ఈ ఈవెంట్లో నటీనటులు కొరగజ్జ సంప్రదాయ దుస్తుల్లో కనిపించడంతో కార్యక్రమం మరింత అందంగా మారింది.
ప్రేక్షకుల్లో భారీ ఆసక్తి – విడుదలకు ఆసక్తిగా ఎదురుచూపులు
ఇప్పటికే విడుదలైన పోస్టర్లు, మోషన్ పోస్టర్లు ప్రేక్షకుల్లో మంచి క్యూరియాసిటీని రేకెత్తించాయి. ఇండియన్ సినీ పరిశ్రమలో స్థానిక సంస్కృతికి ఆధారమైన కథలు ఎలా ప్రేక్షకుల మనసు గెలుచుకుంటున్నాయో చూస్తున్న పరిస్థితుల్లో, ‘కొరగజ్జ’ కూడా ప్రత్యేకమైన ముద్ర వేసే అవకాశాలు ఎక్కువగా కనిపిస్తున్నాయి.
Read hindi news: hindi.vaartha.com
Epaper : epaper.vaartha.com/
Read Also:
