ఒకే సినిమాకి రెండు రాష్ట్రాల్లో టికెట్ రేట్లు భారీగా భిన్నంగా ఉండడంపై సినిమాప్రేమికుల మధ్య చర్చ మొదలైంది. తమిళనాడులో తక్కువ ధరకు లభిస్తున్న టికెట్లు, హైదరాబాద్ మల్టీప్లెక్స్లలో డబుల్ కంటే ఎక్కువ రేటుతో అమ్ముడవుతుండడం గమనార్హం.
చెన్నైలో ‘కూలి’ టికెట్ ధర: కేవలం రూ.183
తాజాగా ‘కూలి’ సినిమా తమిళనాడు (Tamil Nadu) లో విడుదలైంది. చెన్నైలోని ప్రముఖ మల్టీప్లెక్స్ థియేటర్లలో ఈ సినిమా టికెట్ ధరలు సుమారుగా రూ.183గా నిర్ణయించబడ్డాయి. తమిళనాడు ప్రభుత్వం విధించిన టికెట్ ధరల పరిమితి వల్ల ఇవి సాధారణంగా తక్కువగా ఉంటున్నాయి.
హైదరాబాద్లో అదే సినిమా టికెట్ ధర: రూ.453
అదే ‘కూలి’ సినిమాకు తెలంగాణ రాష్ట్ర రాజధాని హైదరాబాద్లో టికెట్ ధరలు కాస్త షాకింగ్గా ఉన్నాయి. ప్రముఖ మల్టీప్లెక్స్లలో టికెట్ రేటు రూ.453గా నమోదైంది. అంటే చెన్నై కంటే 2.5 రెట్లు ఎక్కువగా!
టికెట్ ధరల పెంపుకు తెలంగాణ ప్రభుత్వం గ్రీన్ సిగ్నల్
తమిళ చిత్రం కూలి, హిందీ చిత్రం వార్ 2 వంటి కొన్ని చిత్రాలకు తెలంగాణ ప్రభుత్వం ప్రత్యేకంగా టికెట్ ధర పెంపు (Ticket price increase)కు అనుమతిచ్చినట్టు సమాచారం. దీని వల్ల ప్రేక్షకులు మరింత ఖర్చుతో సినిమాలు చూడాల్సిన పరిస్థితి ఎదురవుతోంది.
ప్రజల్లో పెరుగుతున్న అసంతృప్తి
ఒకే సినిమాకు, ఒకే సమయంలో, రెండు భిన్నమైన రాష్ట్రాల్లో ఇటువంటి టికెట్ ధర వ్యత్యాసం ప్రజల మధ్య అసంతృప్తిని కలిగిస్తోంది. ప్రత్యేక టికెట్ ధరలు నిర్ణయించడంలో ప్రభుత్వాల పాలసీ, ప్రొడ్యూసర్లు చేసిన అర్జీలు, థియేటర్ల వ్యయ భారం వంటి అంశాలు ఉన్నా… ప్రేక్షకుడి కోణంలో ఇది అన్యాయంగా అభిప్రాయపడుతున్నారు.
Read hindi news:hindi.vaartha.com
Read also: