పాన్ ఇండియా ప్రేక్షకులు ఎంతో ఆసక్తిగా ఎదురుచూస్తున్న “కాంతారా: చాప్టర్ 1” అక్టోబర్ 2, 2025న ప్రపంచవ్యాప్తంగా విడుదల కానుంది. కన్నడతో పాటు తెలుగు, హిందీ మరియు మరిన్ని భాషల్లో థియేటర్లలో గ్రాండ్ రిలీజ్ ప్లాన్ చేస్తున్నారు.
మొదటి భాగం కన్నడలో అద్భుత విజయాన్ని సాధించగా, ఇతర భాషల్లోనూ విశేషమైన ఆదరణ పొందింది. రిషబ్ శెట్టి డైరెక్షన్, అతని నటన, టెక్నికల్ టీమ్(Technical Team) అందించిన విలువల వల్ల ఆ సినిమా మాస్టర్పీస్గా నిలిచింది. ఇప్పుడు అదే విజయానికి ప్రీక్వెల్గా వస్తున్న చాప్టర్ 1 పై అద్భుతమైన హైప్ నెలకొంది.
ట్రైలర్ రిలీజ్ అప్డేట్
సినిమా విడుదల తేదీ దగ్గరపడుతున్నప్పటికీ ప్రమోషన్లు ప్రారంభం కానందుకు అభిమానులు కొంత ఆందోళన చెందారు. అయితే ఇప్పుడు మేకర్స్ పెద్ద అప్డేట్ ఇచ్చారు. సెప్టెంబర్ 22 మధ్యాహ్నం 12:45 గంటలకు అధికారిక ట్రైలర్ విడుదల చేయనున్నట్లు ప్రకటించారు. ఈ వార్తతో అభిమానులు ఆనందంలో మునిగిపోయారు.
అమెరికాలో బుకింగ్స్ స్టార్ట్ – సూపర్ రెస్పాన్స్
ప్రస్తుతం సినిమా పోస్ట్-ప్రొడక్షన్ ఫైనల్(Post-Production Final)దశలో ఉంది. మరోవైపు, అమెరికాలో ప్రీమియర్ షోల కోసం అడ్వాన్స్ బుకింగ్స్ మొదలయ్యాయి. అక్కడ ఇప్పటికే మంచి స్పందన రావడం గమనార్హం. తెలుగు వెర్షన్కీ అదే స్థాయిలో బుకింగ్స్ జరుగుతుండటంతో, ఈ సినిమా పై తెలుగు ప్రేక్షకుల ఆసక్తి ఏ స్థాయిలో ఉందో అర్థమవుతోంది.
నటీనటులు మరియు టెక్నికల్ టీమ్
- దర్శకుడు & హీరో: రిషబ్ శెట్టి
- నటి: రుక్మిణి వసంత్
- ప్రధాన పాత్ర: గుల్షన్ దేవయ్య
- సంగీతం: అజనీష్ లోకనాథ్
- నిర్మాణం: హొంబలే ఫిలిమ్స్
కాంతారా: చాప్టర్ 1 ఎప్పుడు విడుదల అవుతుంది?
అక్టోబర్ 2, 2025న థియేటర్లలో గ్రాండ్ రిలీజ్ కానుంది.
ట్రైలర్ ఎప్పుడు వస్తుంది?
సెప్టెంబర్ 22, మధ్యాహ్నం 12:45 గంటలకు ట్రైలర్ రిలీజ్ చేయనున్నారు.
Read hindi news: hindi.vaartha.com
Read also: