Kamal Haasan: విలక్షణ నటుడు కమల్ హాసన్ (Kamal Haasan) నటించిన ప్రతిష్టాత్మక చిత్రం ‘థగ్ లైఫ్’ (Thug Life) చుట్టూ నెలకొన్న వివాదాలకు చివరికి ముగింపు లభించింది. సినిమా స్క్రీనింగ్ను అడ్డుకునే ప్రయత్నాలు, అభ్యంతరాలు, ప్రజా ప్రయోజన వ్యాజ్యాలు వంటి అంశాలపై స్పందించిన సుప్రీం కోర్టు కీలక నిర్ణయం తీసుకుంది.
కర్ణాటక ప్రభుత్వ భరోసా
ఈ చిత్ర ప్రదర్శనలను అడ్డుకోవద్దని, అవసరమైన భద్రత కల్పించడానికి కట్టుబడి ఉన్నామంటూ కర్ణాటక ప్రభుత్వం సుప్రీం కోర్టుకు స్పష్టంగా తెలియజేసింది. కమల్ హాసన్ నటించిన ‘థగ్ లైఫ్’ సినిమా ప్రదర్శనలకు సంబంధించి కర్ణాటక ప్రభుత్వం తమ వైఖరిని సుప్రీంకోర్టుకు తెలియజేసింది. సినిమా స్క్రీనింగ్లకు అవసరమైన భద్రతను ఏర్పాటు చేస్తామని రాష్ట్ర ప్రభుత్వం తరఫున న్యాయవాది సుప్రీంకోర్టుకు తెలిపారు.
సుప్రీంకోర్టు ధర్మాసనం గట్టి వ్యాఖ్యలు
ప్రభుత్వ హామీతో సంతృప్తి చెందిన జస్టిస్ ఉజ్జల్ భూయాన్, జస్టిస్ మన్మోహన్లతో కూడిన ధర్మాసనం ఈ సినిమాపై దాఖలైన ప్రజా ప్రయోజన వ్యాజ్యం విచారణను ముగిస్తున్నట్లు ప్రకటించింది
కళా స్వేచ్ఛకు మద్దతుగా జడ్జిల వ్యాఖ్యలు
ఈ సందర్భంగా ధర్మాసనం కీలక వ్యాఖ్యలు చేసింది. తరచూ కొందరు వ్యక్తులు లేదా సంఘాలు తమ మనోభావాలు దెబ్బతిన్నాయంటూ ఆందోళనలు చేపట్టడం వల్ల కళాసృష్టికి ఆటంకం కలుగుతోందని అభిప్రాయపడింది. “ఇలాంటి వాటిని ఇక ఏమాత్రం కొనసాగనివ్వలేం. కేవలం ఒకరి అభిప్రాయం కారణంగా ఒక చిత్రాన్ని ఆపేయాలా? స్టాండప్ కామెడీ ప్రదర్శనలను నిలిపివేయాలా?” అని బెంచ్ ప్రశ్నించింది. కళాకారుల సృజనాత్మకతకు ఇలాంటి అడ్డంకులు తగవని స్పష్టం చేసింది.
‘థగ్ లైఫ్’ సినిమాకు స్వేచ్ఛతో విడుదల
ఈ నిర్ణయం అనంతరం థగ్ లైఫ్ సినిమా ప్రదర్శనకు ఎలాంటి అవరోధం లేదని స్పష్టమైంది. సుప్రీంకోర్టు వ్యాఖ్యలతో సినిమా యూనిట్కు ఊరట లభించడమే కాదు, ఇతర చిత్ర నిర్మాతలకూ ఇది శుభ సూచికగా మారింది.
Read also: Uppu Kappu rambu : ‘ఉప్పు కప్పురంబు’ ట్రైలర్ ఎలాఉందంటే?