టాలీవుడ్లో మరో ఆనందోత్సవం జరిగింది. యంగ్ టైగర్ జూనియర్ ఎన్టీఆర్ (Jr NTR) బావమరిది, యువ నటుడు నార్నే నితిన్ (Narne Nithin) ఓ ఇంటివాడయ్యారు. శివానీ అనే యువతితో ఆయన వివాహం శుక్రవారం రాత్రి అంగరంగ వైభవంగా జరిగింది. హైదరాబాద్ శివారులోని శంకర్పల్లిలోని ఒక ప్రైవేట్ ఫార్మ్హౌస్లో ఈ వివాహ వేడుకను అత్యంత ఘనంగా నిర్వహించారు. సినీ, రాజకీయ రంగాలకు చెందిన ప్రముఖులు ఈ వేడుకకు హాజరై నూతన దంపతులను ఆశీర్వదించారు.
Bigg Boss 9: ఆరుగురు కొత్త కంటెస్టెంట్లు ఎంట్రీ
ఈ వివాహం పూర్తిగా సాంప్రదాయ వైభవంతో సాగింది. వేడుకలో జూనియర్ ఎన్టీఆర్ (Jr NTR), ఆయన సతీమణి లక్ష్మీ ప్రణతి, పిల్లలు అభయ్ రామ్, భార్గవ్ రామ్ కలిసి హాజరై కుటుంబానికి ప్రత్యేక ఆకర్షణగా నిలిచారు. ఎన్టీఆర్ కుటుంబ సభ్యులతో పాటు, సినీ రంగం నుండి పలువురు ప్రముఖులు ఈ వేడుకలో పాల్గొన్నారు.
అందంగా అలంకరించిన మండపం, పూలతో నిండిన వేదిక, సంగీతం, నృత్యం—ఈ సమ్మేళనం పెళ్లి వేడుకను మరింత మధురంగా మార్చింది.వధువు శివానీ నెల్లూరు జిల్లాకు చెందిన వెంకట కృష్ణ ప్రసాద్, స్వరూప దంపతుల కుమార్తె. ఆమె కుటుంబానికి రాజకీయ నేపథ్యం ఉంది. అంతేకాకుండా ఆమె టాలీవుడ్ సీనియర్ హీరో దగ్గుబాటి వెంకటేశ్కు బంధువుల అమ్మాయి కావడం విశేషం.
ఈ వివాహం సినీ, రాజకీయ వర్గాల్లో ఆసక్తి
దీంతో ఈ వివాహం సినీ, రాజకీయ వర్గాల్లో ఆసక్తిని రేకెత్తించింది. గతేడాది నవంబర్ 3న నితిన్, శివానీల నిశ్చితార్థం హైదరాబాద్లో జరగ్గా, ఇప్పుడు పెళ్లి బంధంతో ఒక్కటయ్యారు.”మ్యాడ్” సినిమాతో 2023లో హీరోగా పరిచయమైన నార్నే నితిన్ (Narne Nithin), తొలి చిత్రంతోనే మంచి గుర్తింపు తెచ్చుకున్నారు.
ఆ తర్వాత “ఆయ్”, “మ్యాడ్ స్క్వేర్” వంటి చిత్రాలతో వరుస విజయాలు అందుకుని ఇండస్ట్రీలో తనకంటూ ఓ స్థానాన్ని సంపాదించుకున్నారు. ఇటీవలే “శ్రీశ్రీశ్రీ రాజావారు” సినిమాతో ప్రేక్షకులను పలకరించారు.ప్రస్తుతం నితిన్-శివానీల పెళ్లికి సంబంధించిన ఫొటోలు, వీడియోలు సోషల్ మీడియాలో వైరల్ అవుతున్నాయి.
నూతన దంపతులకు శుభాకాంక్షలు తెలుపుతూ నెటిజన్లు, అభిమానులు పెద్ద ఎత్తున పోస్టులు పెడుతున్నారు. దీంతో #NarneNithinWedding అనే హ్యాష్ట్యాగ్ సోషల్ మీడియాలో ట్రెండింగ్లో నిలిచింది.
Read hindi news: hindi.vaartha.com
Epaper : https://epaper.vaartha.com/
Read Also:
