తమిళ స్టార్ హీరో విజయ్ నటించిన ‘జన నాయకుడు’ సినిమా సంక్రాంతి కానుకగా జనవరి 9న విడుదల కానుంది. ఈ సందర్బంగా, ట్రైలర్ (Jana Nayagan Trailer) విడుదలైంది. హెచ్. వినోద్ దర్శకత్వం వహించిన ఈ పొలిటికల్ యాక్షన్ థ్రిల్లర్ ట్రైలర్ శనివారం విడుదలై సోషల్ మీడియాలో సందడి చేస్తోంది. పూర్తిస్థాయి రాజకీయాల్లోకి ప్రవేశిస్తున్న విజయ్, ఈ సినిమాతో నటనకు వీడ్కోలు పలుకుతున్న నేపథ్యంలో దీనిపై భారీ అంచనాలు నెలకొన్నాయి.
Read also: Chiranjeevi: నేడే చిరంజీవి కొత్త సినిమా ట్రైలర్..
ట్రైలర్లో హైలైట్స్
ట్రైలర్ విడుదలైన తర్వాత సోషల్ మీడియాలో చర్చ మరింత ఊపందుకుంది. ముఖ్యంగా ట్రైలర్ చూస్తే నందమూరి బాలకృష్ణ, అనిల్ రావిపూడి కాంబినేషన్లో వచ్చిన ‘భగవంత్ కేసరి’ సినిమాను గుర్తు చేస్తోందన్న అభిప్రాయాలు వ్యక్తమవుతున్నాయి. విజయ్ ఈ చిత్రాన్ని రీమేక్ చేస్తున్నారంటూ గతంలోనే అనేక కథనాలు రావడం, ఇప్పుడు ట్రైలర్లో కనిపించిన అంశాలతో ఆ వార్తలు నిజమేనని అభిమానులు భావిస్తున్నారు. ట్రైలర్లో విజయ్ తనదైన స్టైలిష్ ఎంట్రీ, హై వోల్టేజ్ యాక్షన్ సన్నివేశాలతో ఆకట్టుకున్నారు.
పవర్ఫుల్ డైలాగులు, భావోద్వేగ సన్నివేశాలు సినిమాపై ఆసక్తిని పెంచుతున్నాయి. ముఖ్యంగా జైలు నుంచి బయటకు వచ్చి శత్రువులను ఎదుర్కొనే దృశ్యాలు ప్రేక్షకులను ఆకట్టుకునేలా ఉన్నాయి.ఈ చిత్రంలో విజయ్ సరసన పూజా హెగ్డే హీరోయిన్గా నటిస్తుండగా, ఆయన కూతురి పాత్రలో మమితా బైజు కనిపించనుంది. బాలీవుడ్ నటుడు బాబీ డియోల్ ప్రతినాయకుడిగా నటిస్తున్నారు.కేవీఎన్ ప్రొడక్షన్స్ నిర్మిస్తున్న ఈ చిత్రానికి అనిరుధ్ రవిచందర్ సంగీతం అందిస్తున్నారు. ప్రకాశ్ రాజ్, ప్రియమణి, గౌతమ్ వాసుదేవ్ మీనన్ కీలక పాత్రల్లో నటిస్తున్నారు.
Read hindi news:hindi.vaartha.com
Epaper: epaper.vaartha.com
Read also: