ఓటీటీలో హారర్ హంగామా.. ‘చైత్ర’ భయపెట్టిన కథ!
ఓటీటీ ప్లాట్ఫామ్స్ ఇప్పుడు సినిమాల సందడితో హోరెత్తిపోతున్నాయి. థియేటర్లలో సినిమా రిలీజ్ కావడమే కాకుండా, ప్రతి శుక్రవారం ఓటీటీలో పదుల సంఖ్యలో కొత్త సినిమాలు ప్రేక్షకులను అలరిస్తున్నాయి. భాషతో సంబంధం లేకుండా అన్ని భాషల సినిమాలూ ఇప్పుడు మనకు చేరువవుతున్నాయి. వాటిలో ఎక్కువగా హారర్ సినిమాల పట్ల ప్రేక్షకుల మక్కువ ఎక్కువగా కనిపిస్తోంది. భయం కలిగించే కథలు, సస్పెన్స్ టర్న్స్, అనూహ్య మలుపులు ప్రేక్షకులను ఆకట్టుకుంటున్నాయి. అలాంటి ఓ సినిమా ప్రస్తుతం అమెజాన్ ప్రైమ్ లో విడుదలై ట్రెండింగ్ లో ఉంది. సినిమా పేరు “చైత్ర”. ఈ సినిమా ప్రేక్షకులకు రొటీన్ హారర్ కంటెంట్ కాదని స్పష్టంగా చెబుతుంది.
భయపెట్టే స్టోరీ.. ఊహించని ట్విస్టులు!
‘చైత్ర’ కథ ఓ భార్యాభర్తల ప్రయాణంతో ప్రారంభమవుతుంది. ఓ ఫంక్షన్కు బయలుదేరిన వారు మధ్యలో బైక్ స్కిడ్ అవ్వడం వల్ల కిందపడిపోతారు. బట్టలు తడిసి, ఫంక్షన్ కు వెళ్లలేని పరిస్థితి ఏర్పడుతుంది. దగ్గరలో భార్య స్నేహితురాలు చైత్ర ఇంటి వద్దకు వెళ్లాలని నిర్ణయించుకుంటారు. ఇంటికెళ్లినప్పుడే ఆశ్చర్యాలు మొదలవుతాయి. చైత్ర కనిపించదు కానీ ఆమె ఫోన్ రింగ్ అవుతుంది. లిఫ్ట్ చేస్తే, ఒక వ్యక్తి (తన భర్త అని చెప్పిన) మాట్లాడతాడు. చైత్రకు మానసిక సమస్య ఉందని, ఆమె పై గదిలో ఉందని చెబుతాడు. పైకి వెళ్లినప్పుడు ఆమె పై నుంచి కిందకు దూకే ప్రయత్నం చేస్తూ కనిపిస్తుంది. ఒక్కసారిగా కలత చెందిన భార్యాభర్తలు కిందకు వెళ్లే సరికి ఆమె కనిపించదు.
అంతలో ఓ యువతి ఇంట్లోకి వస్తుంది. తన బాయ్ఫ్రెండ్ ఆ ఇంట్లో బందీగా ఉన్నాడని చెబుతుంది. అంతటితో కాదు, లోపల వెళ్లి చూస్తే అతను తీవ్ర స్థితిలో ఉంటాడు, పక్కనే చైత్ర కూడా కనిపిస్తుంది. వారిని హాస్పిటల్కు తీసుకెళ్తారు. అక్కడే అసలు కథ మలుపు తిరుగుతుంది. చైత్రకు ఆత్మలు కనిపిస్తాయని, అవి ఆమెను కూడా చనిపోమని మానసికంగా బాధిస్తున్నాయని తెలుస్తుంది. ఇటీవలే ఆమె స్నేహితులు యాక్సిడెంట్లో చనిపోయారని, వారి ఆత్మలే ఆమెను వెంటాడుతున్నాయని తెలియజేస్తారు. ఆసక్తికరంగా మలుపు మారేది మాత్రం చివర్లో.
ట్విస్ట్ ఇన్ ది టేల్ – ఎవరు దెయ్యం.. ఎవరు మనిషి?
అసలు రహస్యమైన విషయం అప్పుడు బయటపడుతుంది. హాస్పిటల్కు చేర్పించిన ఆ భార్యాభర్తలే అసలు చనిపోయిన వ్యక్తులని చెబుతూ, వారి ఫోటోలను చూపిస్తారు. అక్కడే ప్రేక్షకుడి ఊహలు తలకిందులవుతాయి. అసలు నిజం ఏమిటి? దెయ్యాలు ఎవరు? మానవులు ఎవరు? చైత్ర ఆ విధంగా ఎందుకు ప్రవర్తిస్తోంది? ఆమె ఫ్రెండ్స్ ఎలా చనిపోయారు? దివ్య ఎవరు? అనే ప్రశ్నలకు సమాధానాలు ఒక్కొక్కటిగా బయటపడతాయి.
ఈ కథలో మానసిక సమస్యలతో పాటు ఆత్మల విశ్వాసం, హారర్ థ్రిల్ అన్ని కలగలిపి ఉంటాయి. సినిమాకు నేపథ్యంగా తీసుకున్న ఆధ్యాత్మికత, హారర్ మూమెంట్స్, ఎమోషనల్ డ్రామా ప్రేక్షకులను కుదిపేస్తుంది. కథనం నెమ్మదిగా ప్రారంభమై, చివరకు ఊహించని మలుపుతో ముగుస్తుంది.
అమెజాన్ ప్రైమ్లో అందుబాటులో ఉన్న ‘చైత్ర’
ఈ సినిమాను ప్రస్తుతం అమెజాన్ ప్రైమ్ వీడియోలో వీక్షించవచ్చు. కొత్తదనాన్ని కోరుకునే ప్రేక్షకులకు ఇది ఒక మంచి ఎంపిక. సాధారణ హారర్ సినిమాలకు భిన్నంగా ఉండే ఈ కథ, ఆసక్తికర కథనంతో ఆకట్టుకుంటుంది. ఎఫెక్ట్స్, బ్యాక్గ్రౌండ్ స్కోర్ అన్నీ సినిమాలో భయాన్ని మరింతగా రెట్టింపు చేస్తాయి.
అంతేకాదు, ఈ సినిమాను చూసిన వారు సోషల్ మీడియాలో ‘మస్టు వాచ్’ హారర్ మూవీగా షేర్ చేస్తున్నారు. రాత్రివేళ చూసేటప్పుడు జాగ్రత్తగా ఉండండి అనే స్థాయిలో భయాన్ని కలిగించే అంశాలతో నిండిన సినిమా ఇది.
READ ALSO: Spirit: ‘స్పిరిట్’ పై క్రేజీ న్యూస్ వైరల్!