‘జాతిరత్నాలు’, ‘మ్యాడ్’, ‘మ్యాడ్ 2’ వంటి వినోదాత్మక చిత్రాల విజయంతో తెలుగు సినిమాల్లో డార్క్ కామెడీ ట్రెండ్ బలపడింది. ఆ కోవలోనే వచ్చిన తాజా చిత్రం ‘గుర్రం పాపిరెడ్డి’(Gurram Paapi Reddy Movie Review). నరేష్ ఆగస్త్య, ఫరియా అబ్దుల్లా(Faria Abdullah) ప్రధాన పాత్రల్లో నటించిన ఈ సినిమా ప్రేక్షకులను ఎంతవరకు మెప్పించిందో చూద్దాం.
Read also: OTT: ఓటీటీలోకి రామ్ పోతినేని కొత్త సినిమా..ఎప్పుడంటే?
కథ:
గుర్రం పాపిరెడ్డి అనే యువకుడు బ్యాంక్ దోపిడీకి ప్రయత్నించి విఫలమవుతాడు. ఆ తరువాత తన పథకాన్ని అమలు చేయడానికి ఎర్రగడ్డ మానసిక ఆసుపత్రిలో చేరతాడు. అక్కడ నర్సుగా పనిచేసే సౌదామినితో కలిసి డబ్బు కొల్లగొట్టే ఓ వినూత్న ప్లాన్ వేస్తాడు. ఈ ప్లాన్లో భాగంగా శ్మశానంతో ముడిపడ్డ ఒక శవాన్ని మార్చే ప్రయత్నం చేస్తారు. ఇందుకోసం కొందరు విచిత్రమైన వ్యక్తులను తన గ్యాంగ్లోకి తీసుకుంటాడు. ఈ ప్రయత్నంలో వారికి ఎదురయ్యే అవాంతరాలు, అనూహ్య మలుపులే కథలో కీలకం.
విశ్లేషణ:
ఇది డార్క్ కామెడీ థ్రిల్లర్గా రూపొందింది. సినిమా ప్రారంభం కాస్త నెమ్మదిగా సాగినా, కథ పట్టాలెక్కిన తర్వాత ఆసక్తికరంగా ముందుకు సాగుతుంది. శ్మశాన నేపథ్యంలో సాగే సన్నివేశాలు వినోదాన్ని పండిస్తాయి. ఇంటర్వెల్ ట్విస్ట్ రెండో భాగంపై క్యూరియాసిటీని పెంచుతుంది. అయితే కొన్ని కోర్టు సన్నివేశాలు, ఎక్కువ కన్ఫ్యూజన్ స్క్రీన్ప్లే కారణంగా కథనం కొంత భారంగా అనిపిస్తుంది. కామెడీపై ఇంకాస్త ఫోకస్ పెట్టి ఉంటే ఫలితం మరింత బాగుండేది.
నటీనటుల ప్రదర్శన:
నరేష్ ఆగస్త్య తన పాత్రలో కొత్తదనం చూపించాడు. ఫరియా అబ్దుల్లా కామెడీ టైమింగ్తో ఆకట్టుకుంది. జీవన్, రాజ్కుమార్ కసిరెడ్డి, వంశీధర్ గౌడ్ తమ పాత్రలకు న్యాయం చేశారు. బ్రహ్మానందం జడ్జిగా కొన్ని సన్నివేశాల్లో నవ్వులు పూయించాడు. సాంకేతికంగా సంగీతం, ఛాయాగ్రహణం పర్వాలేదనిపిస్తాయి.
ఫైనల్ టాక్:
కొన్ని సరదా సన్నివేశాలు, అనూహ్య ట్విస్ట్ల కోసం ‘గుర్రం పాపిరెడ్డి’ని చూడొచ్చు. పూర్తిస్థాయి ఎంటర్టైనర్ కాకపోయినా, టైమ్పాస్ మూవీగా నిలుస్తుంది.
Read hindi news: hindi.vaartha.com
Epaper: epaper.vaartha.com
Read Also: