ఓటీటీలో మిడిల్ క్లాస్ మిరాకిల్ – ‘గుల్లక్’ సిరీస్ విశ్లేషణ
ఓటీటీ ప్రపంచంలో అద్భుతమైన విజయాలు సాధించిన కొన్ని వెబ్ సిరీస్లలో ‘గుల్లక్'(Gullak) ప్రత్యేక స్థానం సంపాదించుకుంది. ఒకవైపు స్పై థ్రిల్లర్లు, క్రైమ్ డ్రామాలు వరుసగా వస్తుండగా.. మరోవైపు, హృదయానికి హత్తుకునే ఫ్యామిలీ డ్రామాలు కూడా తమదైన మార్కును చెరిపేసుకుంటున్నాయి. అలాంటి సీరీస్లలో ‘గుల్లక్’ ఒక మిడిల్ క్లాస్ మాస్టర్ పీస్గా నిలిచింది. ‘సోనీ లివ్’ లో స్ట్రీమింగ్ అవుతున్న ఈ హిందీ సిరీస్ ఇప్పటివరకు నాలుగు సీజన్లు పూర్తి చేసుకుంది. ప్రతి సీజన్లో ఐదు ఎపిసోడ్స్ చొప్పున 20 ఎపిసోడ్స్ అందుబాటులో ఉన్నాయి. ముఖ్యంగా IMDBలో దాదాపు 9.1/10 రేటింగ్ సాధించడం గమనార్హం. ఇది ఎంతగానో ప్రేక్షకుల మనసులను తాకిందనే నిదర్శనం.
గుల్లక్ కథ – ప్రతి ఇంట్లో ఒక కథ
Gullak: అనేది కేవలం ఓ మట్టి కుండ మాత్రమే కాదు, మధ్య తరగతి కుటుంబాల్లోని అనుభూతుల సంకలనం. ఈ సిరీస్ కథ ఉత్తర భారతదేశంలో ఓ మిడిల్ క్లాస్ కుటుంబం అయిన సంతోష్ మిశ్రా, ఆయన భార్య శాంతి మిశ్రా, పిల్లలు ఆనంద్ మరియు అమన్ చుట్టూ తిరుగుతుంది. వారి రోజువారీ జీవితాల్లో ఎదురయ్యే చిన్న చిన్న సమస్యలు, ఆర్థిక ఇబ్బందులు, ఆత్మగౌరవానికి వచ్చే సవాళ్లు, కుటుంబ సభ్యుల మధ్య సంబంధాలు — ఇవన్నీ ఎంతో సహజంగా, మనసును తాకేలా చూపించారు. కథనం ఎక్కడా అతిశయోక్తిగా మారకుండా, నిత్యజీవితాన్ని నేరుగా తెరపై ఆవిష్కరించడంలో సీరీస్ సక్సెస్ అయ్యింది.
దర్శకుల కృషి – అభినందనీయం
‘గుల్లక్’ సిరీస్కు మొదటి సీజన్ను 2019లో అమృత్ రాజ్ గుప్తా తెరకెక్కించారు. ఆయన రూపొందించిన స్టోరీటెల్లింగ్ ప్రేక్షకులను ఆకట్టుకుంది. తర్వాతి సీజన్లను పలాష్ విశ్వాస్ (సీజన్ 2, 3) తీసుకున్నాడు. ఆయన టచ్లో హాస్యం, భావోద్వేగాలు సమపాళ్లలో ఒదిగిపోయాయి. సీజన్ 4కి శ్రేయాన్ష్ పాండే దర్శకత్వం వహించగా, ఆయన తీసిన కొత్త కోణాల వల్ల ఈ సీజన్ మరింత లోతైన భావోద్వేగాలను ఆవిష్కరించగలిగింది. ఈ మార్పులు దృష్టిలో ఉంచుకుని, ప్రతి సీజన్కి భిన్నమైన టోన్ ఉండటం గమనార్హం.
భాషను దాటి హృదయాలకు చేరిన కథ
ప్రస్తుతం గుల్లక్ సిరీస్ హిందీతో పాటు తెలుగు, తమిళం, కన్నడ, మలయాళం, మరాఠీ, బెంగాలీ వంటి అనేక భాషల్లో స్ట్రీమింగ్ అవుతోంది. ఇది భారతదేశం మొత్తంలోని మధ్య తరగతి కుటుంబాల అనుభవాలను ప్రతిబింబించేలా ఉంది. బడ్జెట్ పరంగా పెద్దగా ఖర్చు పెట్టని ఈ సీరీస్, కంటెంట్ పరంగా మాత్రం భారీగా కనెక్ట్ అయ్యింది. నటీనటుల సహజ అభినయంతో పాటు, బ్యాక్గ్రౌండ్ మ్యూజిక్, స్క్రీన్ప్లే కూడా ప్రధాన బలాలు. ప్రతి ఎపిసోడ్ చివర్లో ఉన్న చిన్న భావోద్వేగ తిప్పలు ప్రేక్షకుల మనసులను తడిపేస్తున్నాయి.
గుల్లక్ విజయం – ప్రేక్షకుల మద్దతుతో సాధ్యమైన ఫీనామెనాన్
ఒక పెద్ద బడ్జెట్ లేకుండానే కంటెంట్ ఆధారంగా విజయం సాధించగలదని ‘గుల్లక్’ నిరూపించింది. ఇది కేవలం వినోదం కోసం మాత్రమే కాదు, మధ్య తరగతి కుటుంబాల ఆలోచనలు, బాధలు, సంతోషాలను అద్దంలా చూపించగలదని నిలబెట్టింది. ముఖ్యంగా కుటుంబ సభ్యుల మధ్య ఉన్న చిన్నచిన్న గొడవలు, అవగాహనల లోపాలు, అయినప్పటికీ మనసులో మెదిలే ప్రేమ – ఇవన్నీ మన జీవితంలో ఎప్పుడో అనుభవించిన విషయాలుగానే అనిపిస్తాయి.
read also: Mangli: మంగ్లీ పుట్టినరోజు వేడుకల్లో డ్రగ్స్ కలకలం