Pushpa 2 dsp issue : టాలీవుడ్ మ్యూజిక్ డైరెక్టర్ దేవిశ్రీ ప్రసాద్, చిత్ర నిర్మాణ సంస్థ మైత్రీ మూవీ మేకర్స్ మధ్య గత కొంత కాలంగా విభేదాలు కొనసాగుతున్నాయనే వార్తలు వినిపిస్తున్నాయి. తాజాగా మరోసారి ఈ విషయం చర్చనీయాంశమైంది. పుష్ప 2 సినిమా సమయంలో మొదలైన ఈ వివాదం ఇప్పుడు ఉస్తాద్ భగత్ సింగ్ సినిమాతో మరోసారి తెరపైకి వచ్చినట్లు సినీ వర్గాల్లో చర్చ జరుగుతోంది.
వివాదానికి అసలు కారణం?
పవర్ స్టార్ పవన్ కల్యాణ్, దర్శకుడు హరీష్ శంకర్ కాంబినేషన్ లో రూపొందిన ఉస్తాద్ భగత్ సింగ్ సినిమా ఈ నెల 19న గ్రాండ్ లెవెల్లో విడుదలకు సిద్ధమవుతోంది. ఈ చిత్రానికి మొదట దేవిశ్రీ ప్రసాద్ ను మ్యూజిక్ డైరెక్టర్ గా ప్రకటించారు.
అయితే చివరికి ఈ సినిమాలో దేవిశ్రీ ప్రసాద్ కేవలం పాటలకు మాత్రమే పరిమితమయ్యారు. బ్యాక్ గ్రౌండ్ స్కోర్ బాధ్యతలను మైత్రీ మూవీ మేకర్స్ సంస్థ మరో మ్యూజిక్ డైరెక్టర్ ఎస్.ఎస్. థమన్ కు అప్పగించింది.
ఈ నిర్ణయం వెనుక కూడా ఒక కారణం ఉన్నట్లు తెలుస్తోంది. సినిమా విడుదల తేదీని ఒక వారం ముందుకు జరపాలని నిర్మాతలు నిర్ణయించడంతో ఈ మార్పు జరిగినట్లు సమాచారం. తన బిజీ షెడ్యూల్ కారణంగా ఆ సమయానికి బ్యాక్ గ్రౌండ్ స్కోర్ పూర్తి చేయడం కష్టమని దేవిశ్రీ ప్రసాద్ చెప్పినట్లు సినీ వర్గాల్లో టాక్ వినిపిస్తోంది.
పుష్ప 2 సమయంలో మొదలైన వివాదం
అల్లు అర్జున్, దర్శకుడు సుకుమార్ కాంబినేషన్ లో వచ్చిన పుష్ప సినిమా ఎంత పెద్ద హిట్ అయ్యిందో తెలిసిందే. దానికి కొనసాగింపుగా వచ్చిన పుష్ప 2 కూడా ప్రపంచవ్యాప్తంగా భారీ విజయాన్ని సాధించింది.
ఈ చిత్రానికి మైత్రీ మూవీ మేకర్స్ నిర్మాణ సంస్థ కాగా, మ్యూజిక్ డైరెక్టర్ గా దేవిశ్రీ ప్రసాద్ పనిచేశారు. అయితే ఈ సీక్వెల్ సమయంలోనే దేవిశ్రీ పని తీరు పట్ల మైత్రీ సంస్థ అసంతృప్తి వ్యక్తం చేసినట్లు వార్తలు వచ్చాయి.
దీంతో బ్యాక్ గ్రౌండ్ స్కోర్ కోసం థమన్ మరియు సామ్ సీఎస్ ను తీసుకున్నట్లు సినీ వర్గాల్లో ప్రచారం జరిగింది.
Read Also: Ustaad Bhagat Singh Trailer Release: ‘ఉస్తాద్ భగత్ సింగ్’ ట్రైలర్ వచ్చేసింది
డీఎస్పీ ఫ్యాన్స్ ఆగ్రహం
మైత్రీ మూవీ మేకర్స్ వరుసగా సినిమాల్లో దేవిశ్రీ ప్రసాద్ ను బ్యాక్ గ్రౌండ్ స్కోర్ నుంచి తప్పించడం డీఎస్పీ అభిమానుల్లో ఆగ్రహానికి కారణమైంది.
సోషల్ మీడియాలో అభిమానులు ట్వీట్లు చేస్తూ అసంతృప్తి వ్యక్తం చేస్తున్నారు. ఒక స్టార్ మ్యూజిక్ డైరెక్టర్ ను పదే పదే పక్కన పెట్టడం సరికాదని వారు అభిప్రాయపడుతున్నారు.
అలాగే ఒక నేషనల్ అవార్డు విజేతను ఇలా సైడ్ చేయడం వెనుక పెద్ద కారణాలే ఉండొచ్చని కూడా అభిమానులు అనుమానం వ్యక్తం చేస్తున్నారు.
Read hindi news: hindi.vaartha.com
Epaper : epaper.vaartha.com
Read Also: