షారుక్ ఖాన్ కొత్త సినిమా ‘కింగ్’ – అంచనాలు ఆకాశాన్ని తాకుతున్నాయి!
బాలీవుడ్ కింగ్ ఖాన్ షారుక్, స్టార్ దర్శకుడు సిద్ధార్థ్ ఆనంద్తో కలిసి మరో పాన్ ఇండియా ప్రాజెక్ట్లో భాగమవుతున్నారు. ‘పఠాన్’ తర్వాత వీరిద్దరి కాంబోలో రాబోతున్న ఈ యాక్షన్ థ్రిల్లర్ సినిమాకు ‘కింగ్’ అనే టైటిల్ ఫిక్స్ చేశారు. ఈ సినిమాలో షారుక్ సరసన ఆయన కుమార్తె సుహానా ఖాన్ కీలక పాత్రలో నటించనుండటంతో అభిమానుల్లో భారీ ఆసక్తి నెలకొంది. బీటౌన్లో ఈ ప్రాజెక్ట్పై ఇప్పటికే హైప్ ఊపందుకుంది. తండ్రి కూతుళ్ల కలయికలో వస్తున్న ఈ మూవీని బాలీవుడ్లోనే అత్యంత భారీ యాక్షన్ ఎంటర్టైనర్గా భావిస్తున్నారు. ప్రీ ప్రొడక్షన్ దశలో ఉన్న ఈ సినిమా షూటింగ్ త్వరలో ప్రారంభం కానుంది.
దీపికా పదుకొణె – సుహానా తల్లిగా?
ఇప్పటికే ఈ ప్రాజెక్ట్పై బీటౌన్లో హాట్ టాక్ నడుస్తోంది. దీపికా పదుకొణె ఈ సినిమాకు ఒక స్పెషల్ క్యారెక్టర్ కోసం సంప్రదించబడ్డారని సమాచారం. ఇందులో ఆమె, సుహానా తల్లిగా, షారుక్ ప్రియురాలిగా కూడా కనిపించనుందని తెలుస్తోంది. ఒకే సినిమాలో రెండు విభిన్న కోణాల్లో దీపిక కనిపించబోతుండటంతో ఆమె పాత్ర ఎంతో బలమైనదిగా ఉండబోతోందని బాలీవుడ్ వర్గాలు చెబుతున్నాయి.
షారుక్-దీపిక జోడీ మరోసారి మెరుస్తుందా?
ఇప్పటికే బాలీవుడ్లో ఈ జోడీ బాక్సాఫీస్ని షేక్ చేసింది. ‘ఓం శాంతి ఓం’, ‘చెన్నై ఎక్స్ప్రెస్’, ‘హ్యాపీ న్యూ ఇయర్’, ‘పఠాన్’ వంటి హిట్ మూవీలతో వీరిద్దరూ ఒక హిట్ మ్యాజిక్ జోడీగా పేరు తెచ్చుకున్నారు. ఇప్పుడు ‘కింగ్’ సినిమాలో ఈ జోడీ తిరిగి ఫైనలైజ్ అయితే, ప్రేక్షకులకు పండుగే.
టబు-సైఫ్ ప్లాన్.. కానీ చివరికి దీపికే?
తొలుత చిత్ర యూనిట్ టబు – సైఫ్ అలీ ఖాన్లను సుహానా తల్లిదండ్రుల పాత్రకు అనుకున్నారట. కానీ స్క్రిప్ట్ పరంగా, స్క్రీన్ ప్రెజెన్స్ పరంగా దీపికే సెట్ అవుతుందని నిర్ణయం తీసుకున్నట్లు తెలుస్తోంది. దీపిక తనకంటే యువ తారకి తల్లిగా నటించడం ఓ సాహసోపేత నిర్ణయమే అయినప్పటికీ, ఆమె క్యారెక్టర్ బలంగా ఉండటంతో అంగీకరించినట్లు టాక్.
అభిషేక్ బచ్చన్ – పవర్ఫుల్ విలన్గా?
ఒకవైపు కథానాయిక పాత్రల్ని బలంగా ప్లాన్ చేస్తుండగా, మరోవైపు విలన్ క్యారెక్టర్కు కూడా భారీగా ప్లానింగ్ జరుగుతోంది. ఈ పాత్రలో అభిషేక్ బచ్చన్ నటించనున్నారని బాలీవుడ్ వర్గాల సమాచారం. ఒక విలక్షణమైన నెగటివ్ షేడ్తో అభిషేక్ కనిపించనున్నారని ఇండస్ట్రీ టాక్.
ముంబయిలో తొలి షెడ్యూల్ – 2026లో థియేటర్లలోకి
ప్రస్తుతం ప్రీ ప్రొడక్షన్ పనులు శరవేగంగా జరుగుతున్నాయి. మే నెలలో ముంబయిలో షూటింగ్ మొదలవుతుందట. భారీ సెట్స్, యాక్షన్ సీక్వెన్సులతో మొదటి షెడ్యూల్ను మేకర్స్ ప్లాన్ చేస్తున్నారు. అన్ని కార్యక్రమాలు అనుకున్నట్లు సాగితే 2026 చివర్లో ఈ సినిమా థియేటర్లలోకి వచ్చే అవకాశముందని సమాచారం.
ఈ కాంబినేషన్కు ఫ్యాన్స్ ఫుల్ స్పీడ్లో
షారుక్ ఖాన్ అభిమానులు సుహానా సినిమా ఎంట్రీతో ఎదురుచూస్తుండగా, దీపిక పాత్రకు కూడా భారీ క్రేజ్ నెలకొంది. సినిమా టైటిల్, కథ, తారాగణం అన్నీ కూడ బాక్సాఫీస్ హిట్ ఖాయంగా కనిపిస్తోంది. సోషల్ మీడియాలో ఇప్పటికే ‘కింగ్’ సినిమా పేరు ట్రెండింగ్లో ఉంది.
READ ALSO: Empuran: ‘మంజుమ్మల్ బాయ్స్’ రికార్డును బద్దలుగొట్టిన ఎంపురాన్