బిగ్బాస్ సీజన్-9లో(Bigg Boss Telugu 9) ఇప్పటివరకు వచ్చిన ఏ ప్రోమోకన్నా తాజాగా విడుదలైన దివ్య–తనూజ ఘర్షణ వీడియో పెద్ద చర్చకు దారితీసింది. కెమెరాలు నడుస్తున్నాయనే సంగతి మరిచి ఇద్దరూ వ్యక్తిగత వ్యాఖ్యలతో ఒకరిపై ఒకరు తీవ్రస్థాయిలో దూకుడుపడ్డారు. భరణి ఇష్యూ నేపథ్యంలో మొదలైన మాటపట్టులు పూర్తిగా పర్సనల్ స్థాయికి వెళ్లి ప్రేక్షకులను కూడా అబ్బురపరిచాయి.
కెప్టెన్సీ టాస్క్లో పెరిగిన టెన్షన్
కెప్టెన్ అవ్వడానికి అర్హత లేని హౌస్మేట్ను రేసు నుంచి తొలగించమని బిగ్బాస్(Bigg Boss Telugu 9) చెప్పడంతో దివ్య ముందుగా మాట్లాడింది. తనూజను టార్గెట్ చేస్తూ, “ఇంతవరకూ ఇమ్యూనిటీ ఉన్నావ్… అందుకే ఈ రేసు నుంచి బయటకు వెళ్లాలి” అని చెప్పింది. ఈ మాటలకు స్పందించిన తనూజ, “నేను నా ఆటతో ఈ స్థాయికి వచ్చాను, ఎవరూ నాకేం ఇచ్చిపెట్టలేదు” అంటూ కౌంటర్ ఇచ్చింది.
వాగ్వాదం వ్యక్తిగత స్థాయికి
గేమ్ విషయమే చెబుతున్నానని దివ్య చెప్పినా, తనూజ బిహేవియర్ విషయాన్ని లేవనెత్తడంతో వాదన వేడెక్కింది. “అరిస్తే నేనూ అరవగలను” అని దివ్య రెచ్చిపోవడంతో, “పో… నువ్వే వెళ్లిపో” అంటూ తనూజ చేతులతో చూపించడం పరిస్థితిని మరింత తీవ్రం చేసింది. దీంతో దివ్య కూడా గట్టిగానే, “ఎవరికి చెప్తున్నావ్? గౌరవం ఇచ్చే నేర్చుకో!” అని ఘాటుగా స్పందించింది.
వాగ్వాదం మధ్యలో ఇద్దరూ భరణి దగ్గరకు వెళ్లి ఒకరి గురించి మరొకరు ఫిర్యాదు చేసుకున్నారు.
తనూజ, “ప్రతి పని మీద నా మీద పడుతూ ఏడుస్తారు” అని అంటుంటే…
దివ్య, “రోజులో 10 సార్లు ఏడ్చేది నువ్వే” అని కౌంటర్ ఇచ్చింది.
అసలు షాక్: పర్సనల్ కామెంట్స్
వివాదం ఇక్కడితో ఆగలేదు. తనూజ, “బయట సరిపోక ఇక్కడికి వచ్చావ్” అని వ్యక్తిగత వ్యాఖ్య చేయడం పరిస్థితిని పూర్తిగా చెడగొట్టింది. దివ్య కూడా, “అలాంటివి అనకు… నేను వాళ్లను వాడుకొని ఆడేది కాదు” అంటూ తిరగబడ్డింది. ఇద్దరి మధ్య మాటలు పదునెక్కి, “నోరు జారి మాట్లాడకు”, “పిచ్చి పిచ్చిగా వాగకు” అంటూ ఘోరంగా తిట్టుకుంటూ కొట్టుకునే స్థాయికి వెళ్లిపోయారు. చివరికి హౌస్మేట్స్ పరిస్థితిని అదుపు చేసి వారిని వేరు చేశారు.
Read hindi news : hindi.vaartha.com
Epaper : epapervaartha.com
Read Also:
