తెలుగు రియాలిటీ షో బిగ్ బాస్ సీజన్ 9 (Bigg Boss Season 9)ప్రస్తుతం ఊహించని ట్విస్టులతో ప్రేక్షకులను ఉత్కంఠ భరితంగా చేస్తోంది. ప్రతి వారం కొత్త డ్రామా, కొత్త గేమ్ ప్లాన్తో సీజన్ ఆసక్తిని రేపుతుండగా, ఈ ఆదివారం ప్రసారమైన ఎపిసోడ్ మాత్రం మరింత షాకింగ్ టర్న్ తీసుకుంది. ఎప్పటిలాగే ఎలిమినేషన్ ప్రక్రియతో ప్రారంభమైన ఎపిసోడ్ చివరికి ప్రేక్షకులను అబ్బురపరిచే సంఘటనలు చోటు చేసుకున్నాయి.
Ayesha BB9 Wild Entry: వైల్డ్ కార్డ్ ఎంట్రీ ఇచ్చిన అయేషా
ఈ వారం పబ్లిక్ ఓటింగ్లో తక్కువ ఓట్లు సాధించిన ఫ్లోరా సైనీ, శ్రీజ హౌస్ నుంచి బయటకు వెళ్ళాల్సి వచ్చింది. వీరి ఎలిమినేషన్ను ప్రకటించిన వెంటనే, నిర్వాహకులు ప్రేక్షకుల్ని ఆశ్చర్యానికి గురిచేస్తూ ఒక పెద్ద సర్ప్రైజ్ ప్లాన్ను రివీల్ చేశారు. అదే — ఒకేసారి ఆరుగురు వైల్డ్ కార్డ్ ఎంట్రీలను హౌస్లోకి పంపడం! ఇంత పెద్ద స్థాయిలో ఒకేసారి కొత్త కంటెస్టెంట్లు రావడం బిగ్ బాస్ చరిత్రలో అరుదుగా జరిగే విషయం.
ఒకరి తర్వాత ఒకరిగా ఆరుగురు కొత్త కంటెస్టెంట్లను స్టేజ్పైకి ఆహ్వానించి హౌస్లోకి పంపారు. సీరియల్ నటులు నిఖిల్ నాయర్, అయేషా, గౌరవ్ గుప్తాతో పాటు ‘గోల్కొండ హైస్కూల్’ ఫేమ్ శ్రీనివాస్ సాయి, సోషల్ మీడియా స్టార్లు దివ్వెల మాధురి, రమ్య మోక్ష (అలేఖ్య చిట్టి పికిల్స్) వైల్డ్ కార్డ్ ద్వారా రంగ ప్రవేశం చేశారు.కొత్తగా వచ్చిన వారిలో సోషల్ మీడియాలో విపరీతమైన పాపులారిటీ ఉన్న దివ్వెల మాధురి, రమ్య మోక్ష ప్రత్యేక ఆకర్షణగా నిలిచారు.
తానేంటో నిరూపించుకోవడానికే బిగ్బాస్కు వచ్చా: మాధురి
ముఖ్యంగా టెక్కలి వైసీపీ ఎమ్మెల్సీ దువ్వాడ శ్రీనివాస్తో ఉన్న సంబంధాల కారణంగా మాధురి వార్తల్లో వ్యక్తిగా నిలిచారు. తనపై ఉన్న నెగెటివిటీని తొలగించుకుని, తానేంటో నిరూపించుకోవడానికే బిగ్బాస్ (Bigg Boss Season 9)కు వచ్చానని ఆమె ఈ సందర్భంగా తెలిపారు. బిగ్బాస్ హౌస్లో ఎవరూ ఎక్కువ కాలం నటించలేరని, కచ్చితంగా దొరికిపోతారని ఆమె అన్నారు.
మరోవైపు ‘అలేఖ్య చిట్టి పికిల్స్’ పేరుతో సోషల్ మీడియాలో, ముఖ్యంగా రీల్స్తో ఫేమస్ అయిన రమ్య మోక్ష తన గ్లామర్తో హౌస్లోకి అడుగుపెట్టారు. ఈ కొత్త ఎంట్రీలతో బిగ్బాస్ హౌస్లో పాత, కొత్త సభ్యుల మధ్య తీవ్రమైన పోటీ నెలకొనడం ఖాయమని విశ్లేషకులు భావిస్తున్నారు. ఈ భారీ మార్పులతో షో మరింత రసవత్తరంగా మారుతుందని, అసలైన రణరంగం ఇప్పుడే మొదలైందని ప్రేక్షకులు అంచనా వేస్తున్నారు.
Read hindi news: hindi.vaartha.com
Epaper : https://epaper.vaartha.com/
Read Also:
