తమిళ స్టార్ హీరో కార్తీ ప్రధాన పాత్రలో తెరకెక్కిన లేటెస్ట్ సినిమా ‘వా.. వాతియార్’ (Anna Garu Vastaru Movie) దర్శకుడు నలన్ కుమారస్వామి తెరకెక్కించిన ఈ సినిమాలో కృతి శెట్టి హీరోయిన్ గా నటించింది. అయితే, ఈ సినిమా పలు వాయిదాల తరువాత సంక్రాంతి కానుకగా ప్రేక్షకుల ముందుకు వచ్చి మోస్తరు రెస్పాన్స్ దక్కించుకుంది. అయితే రెండు వారాలు తిరగకముందే ఈ చిత్రం ఎలాంటి ముందస్తు ప్రచారం లేకుండానే సడన్గా డిజిటల్ స్ట్రీమింగ్కు రావడం అందరినీ ఆశ్చర్యపరిచింది.‘అన్నగారు వస్తారు’ ఓటీటీ హక్కులను ప్రముఖ సంస్థ అమెజాన్ ప్రైమ్ (Amazon Prime Video) దక్కించుకుంది.
Read Also: Plane Crash: విమాన ప్రమాదాల్లో మరణించిన ప్రముఖులు వీరే!
ఈ మేరకు ఈ నెల 28 నుంచి ఈ సినిమా (Anna Garu Vastaru Movie) ను స్ట్రీమింగ్ చేయనున్నట్లు ఓటీటీ సంస్థ అధికారికంగా ప్రకటించింది. స్టూడియో గ్రీన్ బ్యానర్పై కేఈ జ్ఞానవేల్ రాజా నిర్మించిన ఈ సినిమాలో సత్యరాజ్, రాజ్కిరణ్, నిళల్గళ్ రవి, ఆనందరాజ్, శిల్పా మంజునాథ్, కరుణాకరన్, జి.ఎం. సుందర్, మధుర్ మిట్టల్ వడివుక్కరసి తదితరులు ప్రధాన పాత్రలు పోషించారు. సంతోష్ నారాయణన్ సంగీతం అందించారు. మరి థియేటర్స్ లో నెగెటివ్ టాక్ తెచ్చుకున్న ఈ సినిమాకు ఓటీటీలో ఎలాంటి రెస్పాన్స్ వస్తుందో చూడాలి.
కథేంటంటే
లెజెండరీ నటుడు ఎంజీఆర్కు వీరాభిమాని అయిన తాత పాత్రలో రాజ్కిరణ్ కనిపిస్తారు. ఆయన తన మనవడు రామేశ్వరన్ (కార్తీ)ను కూడా ఎంజీఆర్లా నిజాయతీగా, ఆదర్శవంతమైన వ్యక్తిగా ఎదగాలని కోరుకుంటాడు. తాత ఆశయాల ప్రభావంతో రామేశ్వరన్ పోలీస్ ఆఫీసర్గా మారతాడు. కానీ బయటకు కనిపించే నిజాయతీకి భిన్నంగా, లోలోపల అతడు లంచాలు తీసుకుంటూ అవినీతిపరుడిగా జీవిస్తుంటాడు. ఒక దశలో తాతకు మనవడి అసలు స్వభావం తెలిసిపోవడం,
ఆ బాధను తట్టుకోలేక ఆయన మరణించడం కథలో కీలక మలుపు.తాత మరణం తర్వాత రామేశ్వరన్లో తీవ్రమైన అపరాధ భావం మొదలవుతుంది. తాను చేసిన తప్పులను సరిదిద్దుకోవాలని నిర్ణయించుకుంటాడు. ఎంజీఆర్ సినిమాల ప్రభావంతో, తాత ఆశయాలను గుర్తు చేసుకుంటూ నిజాయతీగల పోలీస్ ఆఫీసర్గా మారే ప్రయాణమే ఈ సినిమా ప్రధాన కథ.
Read hindi news: hindi.vaartha.com
Epaper: epaper.vaartha.com
Read Also: