Anirudh Hyderabad Concert: హైదరాబాద్లోని గచ్చిబౌలి స్టేడియం వేదికగా జరిగిన మ్యూజికల్ కాన్సర్ట్లో యువ సంచలనం, సంగీత దర్శకుడు అనిరుధ్ రవిచందర్ (Anirudh Ravichander) తన ప్రదర్శనతో ప్రేక్షకులను ఊర్రూతలూగించారు. సుమారు నాలుగు గంటల పాటు సాగిన ఈ లైవ్ ఈవెంట్, సంగీత ప్రియులకు మరుపురాని అనుభూతిని మిగిల్చింది. అనిరుధ్ తన ట్రేడ్మార్క్ ఎనర్జీతో తెలుగు మరియు తమిళ భాషల్లోని సూపర్ హిట్ పాటలను ఆలపించి స్టేడియంను హోరెత్తించారు.
Read Also:AA22 Update: ఐకాన్ స్టార్ సినిమాలో అనుష్క శర్మ?
Anirudh Hyderabad Concert: కాన్సర్ట్లో సందడి చేసిన నాని, సితార
ఈ కాన్సర్ట్లో ప్రధాన ఆకర్షణగా నిలిచింది నేచురల్ స్టార్ నాని నటిస్తున్న తాజా చిత్రం ‘ది ప్యారడైస్’ (The Paradise). ఈ సినిమాలోని ‘జడల్’ (Jadal) అనే పాటను అనిరుధ్ లైవ్లో ప్రదర్శించగా, అభిమానుల నుంచి అద్భుతమైన స్పందన లభించింది. ఈ పాట వింటున్నంత సేపు స్టేడియం మొత్తం కేరింతలతో మారుమోగిపోయింది. అనిరుధ్ బాణీలు, నాని క్రేజ్ కలిసి ఈ పాటను ఈవెంట్కే హైలైట్గా నిలబెట్టాయి.
ఈ మ్యూజికల్ నైట్కు టాలీవుడ్ ప్రముఖులు పెద్ద ఎత్తున హాజరయ్యారు. హీరో నాని తన కుటుంబ సభ్యులతో కలిసి విచ్చేయగా, సూపర్ స్టార్ మహేష్ బాబు కుమార్తె సితార ఘట్టమనేని కూడా ఈ వేడుకలో సందడి చేశారు. వీరితో పాటు పలువురు సినీ రంగ ప్రముఖులు అనిరుధ్ లైవ్ పర్ఫార్మెన్స్ను తిలకించి ఎంజాయ్ చేశారు. ప్రస్తుతం ఈ కాన్సర్ట్కు సంబంధించిన ఫోటోలు, వీడియోలు సోషల్ మీడియాలో విపరీతంగా వైరల్ అవుతున్నాయి.
Read hindi news: hindi.vaartha.com
Epaper: epaper.vaartha.com
Read Also:
