Allu Arjun: ఎయిర్‌పోర్టులో అల్లు అర్జున్‌కు ఎదురైన చేదు అనుభవం

మెగా ఫ్యామిలీ నుంచి 2003లో ‘గంగోత్రి’ సినిమాతో హీరోగా ఎంట్రీ ఇచ్చిన అల్లు అర్జున్, తన కెరీర్‌లో ఒక్కో మెట్టుగా ఎదుగుతూ నేడు ఇండియన్ సినిమా రంగంలో అగ్రస్థానానికి చేరుకున్నాడు. ‘ఆర్య’, ‘బన్నీ’, ‘రేస్ గుర్రం’, ‘సరైనోడు’, ‘అల వైకుంఠపురములో’ వంటి బ్లాక్‌బస్టర్లతో తెలుగు రాష్ట్రాల్లోనే కాకుండా దక్షిణ భారతంలో పెద్ద స్టార్‌గా గుర్తింపు పొందాడు. అయితే, ‘పుష్ప: ది రైజ్’ తర్వాత బన్నీ క్రేజ్ మరోస్థాయికి చేరింది. పాన్‌ఇండియా స్థాయి (Pan India level) లో ఘన విజయం సాధించిన ఈ చిత్రం ఆయనకు జాతీయస్థాయి గుర్తింపు మాత్రమే కాదు, అంతర్జాతీయ అభిమానులను కూడా సంపాదించింది. ఇప్పుడు ‘పుష్ప 2: ది రూల్’తో బాక్సాఫీస్‌ దగ్గర కొత్త రికార్డులు సృష్టించాడు. ఏకంగా రూ.1800 కోట్లకు పైగా వసూళ్లు సాధించి ఇండియన్ బాక్సాఫీస్ చరిత్రలో తన పేరు చెక్కించుకున్నాడు.

సెల్ఫీల కోసం ఆతృతగా ఎదురుచూస్తారు

ప్రస్తుతం అల్లు అర్జున్ కోలీవుడ్‌ యంగ్ డైరెక్టర్ అట్లీ దర్శకత్వంలో భారీ బడ్జెట్‌తో తెరకెక్కుతున్న చిత్రంలో నటిస్తున్నాడు. దీని తర్వాత ప్రశాంత్ నీల్‌తో కూడా ఓ పాన్‌ఇండియా ప్రాజెక్ట్ చేయనున్నట్లు సమాచారం. దేశంలో ఎక్కడికెళ్లినా, విదేశాల్లోకి వెళ్ళినా అభిమానులు ఆయనను గుర్తించడమే కాదు, ఫోటోలు, సెల్ఫీల కోసం ఆతృతగా ఎదురుచూస్తారు.అయితే, ఈ క్రేజ్ ఉన్న హీరోకి ఇటీవల ముంబయి ఎయిర్‌పోర్టు (Mumbai Airport) లో ఒక చేదు అనుభవం ఎదురైంది. ఈ మధ్య కాలంలో సెలబ్రిటీలు పబ్లిక్ ప్రదేశాల్లో కనిపిస్తే అభిమానులు అత్యుత్సాహంతో ఫోటోలు, సెల్ఫీలు అడుగుతుంటారు. కొన్నిసార్లు ఈ పరిస్థితి అసౌకర్యంగా మారుతుంది. అందుకే, చాలామంది స్టార్స్ విమాన ప్రయాణాల సమయంలో ఎవరూ గుర్తుపట్టకుండా మాస్కులు, క్యాప్‌లు వేసుకుని ముఖం కవర్ చేసుకుంటారు.

View this post on Instagram

A post shared by Friday Times (@fridaytimes9)

రూల్స్ ప్రకారం మాస్క్ తీయాలని

అదే విధంగా, అల్లు అర్జున్ కూడా ముంబయి ఎయిర్‌పోర్టుకి వెళ్లినప్పుడు మాస్క్ ధరించి ప్రయాణించాడు. అయితే, చెకింగ్ దగ్గర సెక్యూరిటీ సిబ్బంది ఆయన్ని వెంటనే గుర్తించలేకపోయారు. రూల్స్ ప్రకారం మాస్క్ తీయాలని ఆదేశించారు. మొదట భద్రతా సిబ్బందితో మాట్లాడే ప్రయత్నం చేసినా, ఏదో కారణంగా సెక్యూరిటీ పర్సన్ సరిగా వినిపించుకోలేదు. దీంతో బన్నీ తన కూలింగ్ గ్లాస్ తీయగా కూడా ఆయనను గుర్తించలేదు. చివరికి మాస్క్ పూర్తిగా తీయగానే మాత్రమే అల్లు అర్జున్ అని గుర్తించి లోనికి అనుమతించారు.