ప్రముఖ నటి రంభ మరోసారి వార్తల్లోకి వచ్చారు ఈసారి కారణం వ్యక్తిగతంగా ఎంతో ప్రత్యేకమైన రోజు. ఆమె తన భర్తతో కలిసి 15వ వివాహ వార్షికోత్సవాన్ని తిరుమలలో ఘనంగా జరుపుకున్నారు. మంగళవారం ఉదయం వారు శ్రీ వేంకటేశ్వర స్వామిని దర్శించుకున్నారు. ఈ సందర్బంగా శ్రీవారికి ప్రత్యేక పూజలు నిర్వహించారు.తమ పెళ్లి రోజున స్వామివారిని దర్శించుకోవడం నిజంగా అపూర్వ అనుభూతి అని రంభ అన్నారు. “ఇవాళ్టి రోజు మా జీవితాల్లో ఎంతో ప్రత్యేకమైనది. మా వివాహ వార్షికోత్సవాన్ని స్వామివారి సన్నిధిలో జరుపుకోవడం ఎంతో ఆనందంగా ఉంది” అంటూ ఆమె చెప్పారు.
అలాగే “శ్రీవారి దయతో మా కుటుంబం ఎల్లప్పుడూ సుఖంగా ఉండాలని కోరుకుంటున్నాం” అని కూడా చెప్పారు.ఈ దర్శనం అనంతరం ఆలయ అధికారులు రంభ దంపతులకు తీర్థప్రసాదాలు అందజేశారు. అంతేకాక, ఆమె కుటుంబ సభ్యులు కూడా ఈ పుణ్యక్షేత్ర దర్శనంలో భాగమయ్యారు. రంభకు తిరుమల దర్శనం అంటే ప్రత్యేకమైన అనుబంధం ఉంది. ప్రతి ప్రత్యేక సందర్భంలో అక్కడికి వెళ్లడం ఆమెకు అలవాటే.ఇదిలా ఉంటే, రంభ సినిమా రంగంలో మళ్లీ అడుగుపెట్టబోతున్నారనే గాసిప్ కూడా వినిపిస్తోంది.
చాలా కాలంగా ఆమె వెండితెరకు దూరంగా ఉన్నా, ఇప్పుడు తిరిగి నటించాలనే ఆసక్తితో ఉన్నట్టు పరిశ్రమ వర్గాల్లో చర్చ జరుగుతోంది.అయితే దీనిపై ఇంకా ఆమె ఎలాంటి అధికారిక ప్రకటన చేయలేదు.వివాహానంతరం కుటుంబానికి ప్రాధాన్యం ఇస్తూ కెరీర్కు తాత్కాలిక విరామం తీసుకున్న రంభ, ఇప్పుడు పిల్లలు పెద్దవవుతున్న క్రమంలో తిరిగి కెరీర్పై దృష్టి పెట్టే అవకాశాలు కనిపిస్తున్నాయి.రంభ తాజా దర్శనం, ఆమె జీవితానికి సంబంధించిన విషయాలు సోషల్ మీడియాలో వైరల్ అవుతున్నాయి. అభిమానులు ఆమెకు శుభాకాంక్షలు చెబుతూ మెసేజ్లు పంపిస్తున్నారు. తీరా ఈసారి ఆమె తెరపై కనిపిస్తే ఖచ్చితంగా nostalgiaga అనిపించకుండా ఉండదు.రంభ తిరుమల పుణ్యక్షేత్రంలో స్వామివారి ఆశీస్సులతో కుటుంబంతో కలిసి జరుపుకున్న ఈ వివాహ వార్షికోత్సవం అందరినీ ఆకట్టుకుంటోంది.
READ ALSO : Allu Arjun : అల్లు అర్జున్ కు బర్త్ డే విషెస్ తెలిపిన రష్మిక,