Anushka Shetty: స్టార్ హీరోయిన్ అనుష్క శెట్టి వివాహానికి సంబంధించి గత కొంతకాలంగా సాగుతున్న ప్రచారానికి ఆమె బృందం (Team Anushka) ముగింపు పలికింది. సోషల్ మీడియా మరియు కొన్ని వెబ్ సైట్లలో అనుష్క ఒక వ్యాపారవేత్తను పెళ్లి చేసుకోబోతోందంటూ వస్తున్న వార్తలను ఆమె ప్రతినిధులు తీవ్రంగా ఖండించారు. ఈ క్రమంలోనే వారు విడుదల చేసిన ఒక ప్రకటన నెట్టింట వైరల్గా మారింది. కేవలం వ్యూస్ కోసం ఒకరి వ్యక్తిగత జీవితాన్ని సెన్సేషనలైజ్ చేయడం సరికాదని వారు హెచ్చరించారు.
Read Also:Ustaad Bhagat Singh Movie Review: పవన్ మాస్ జాతర.. గబ్బర్ సింగ్ మ్యాజిక్ రిపీట్ అయిందా?
వయసు గురించి మాట్లాడటంపై ఆగ్రహం!
ముఖ్యంగా అనుష్క వయసును (44 ఏళ్లు) ప్రతి వార్తలోనూ హైలైట్ చేయడంపై ఆమె టీమ్ తీవ్ర ఆగ్రహం వ్యక్తం చేసింది. హీరోల వయసు గురించి చర్చించని వారు, హీరోయిన్ల విషయంలోనే ఎందుకు ఇంత ఆసక్తి చూపిస్తున్నారని ప్రశ్నించారు. వయసు అనేది ఒక నంబర్ మాత్రమేనని, దానిని వివాదాస్పద అంశంగా మార్చడం అత్యంత విచారకరమని పేర్కొన్నారు. తన కెరీర్ను ప్రతిభతో నిర్మించుకున్న అనుష్క, ఎప్పుడూ పీఆర్ స్టంట్స్పై ఆధారపడలేదని వారు గుర్తు చేశారు.
వివాహం వ్యక్తిగత విషయం, అది బ్రేకింగ్ న్యూస్ కాదు
అనుష్క తన వ్యక్తిగత విషయాలను గోప్యం గా ఉంచుకోవాలని కోరుకుంటారని, ఆ నిర్ణయాన్ని అందరూ గౌరవించాలని కోరారు. వివాహం అనేది ఒకరి వ్యక్తిగత విషయమని, అది బ్రేకింగ్ న్యూస్ లేదా ట్రెండ్ కాదని స్పష్టం చేశారు. వాస్తవాలను నిర్ధారించుకోకుండా అనధికారిక సమాచారాన్ని ప్రచురించవద్దని మీడియా సంస్థలకు మరియు సోషల్ మీడియా హ్యాండిల్స్కు విజ్ఞప్తి చేశారు. ఇకనైనా హద్దులు దాటకుండా బాధ్యతాయుతంగా వ్యవహరించాలని, నటీమణులను కూడా నటులతో సమానంగా గౌరవించాలని ఘాటుగా స్పందించారు.
సినిమాల విషయానికి వస్తే, ఇటీవల విడుదలైన ‘ఘాటీ’ ఆశించిన స్థాయిలో విజయం సాధించకపోవడంతో అనుష్క తన తదుపరి ప్రాజెక్టుల విషయంలో ఆచితూచి అడుగులు వేస్తున్నారు. త్వరలోనే ఆమె కొత్త సినిమాకు సంబంధించిన అధికారిక ప్రకటన వెలువడే అవకాశం ఉంది.
Read hindi news: hindi.vaartha.com
Epaper : epaper.vaartha.com
Read Also:
