తన జీవితానికి సంబంధించి ప్రేమ, గౌరవం, భాగస్వామ్యం గురించి రష్మిక మందన్న తాజాగా చేసిన వ్యాఖ్యలు అందరినీ ఆకట్టుకుంటున్నాయి. జీవితంలో ఎదురయ్యే కష్టాల సమయంలో ఒకరిపై ఒకరికి గౌరవం ఉండాలని రష్మిక చెప్పింది. సంబంధంలో శ్రద్ధ, బాధ్యత, మంచి మనసు ఉంటే, జీవితాన్ని ఆనందంగా గడపవచ్చని ఆమె అభిప్రాయపడింది. రష్మిక మాట్లాడుతూ, “జీవితంలో ప్రతి వ్యక్తికీ ఒక తోడు అవసరం.ప్రేమలో ఉండటం అంటే భాగస్వామిని కలిగి ఉండడమే. ఒడిదుడుకుల సమయంలో మనకు సపోర్ట్ చేసే వ్యక్తి ఉంటే జీవితానికి నిజమైన అర్థం లభిస్తుంది” అంటూ తన భావాలను వ్యక్తం చేసింది.ప్రేమకు గౌరవం, నమ్మకం అవసరం అని రష్మిక వెల్లడించింది. ప్రేమ అనేది కేవలం ఒక భావన మాత్రమే కాదు, అది జీవితాన్ని మెరుగుపరిచే బలమైన సంబంధం అని ఆమె పేర్కొంది. సంబంధాల్లో సపోర్ట్ చేసే వ్యక్తుల పాత్ర ఎంతో ముఖ్యమని, అది జీవితాన్ని ప్రభావితం చేస్తుందని ఆమె చెప్పారు. ప్రస్తుతం రష్మిక వరుస సినిమాలతో తెలుగు సినిమా ప్రేక్షకులను అలరిస్తోంది.ఇటీవల ఆమె నటించిన ‘పుష్ప 2: ది రూల్’ బ్లాక్బస్టర్ హిట్గా నిలిచింది.
ఈ సినిమా అన్ని ప్రాంతాల్లో భారీ కలెక్షన్లు సాధిస్తూ, రూ.1500 కోట్ల మార్క్కు చేరువవుతోంది. అల్లు అర్జున్, రష్మిక జోడీ మరోసారి ప్రేక్షకుల హృదయాలను గెలుచుకుంది.రష్మిక ప్రధాన పాత్రలో నటించిన ‘ది గర్ల్ ఫ్రెండ్’ టీజర్ ఇటీవల విడుదలైంది.ఈ టీజర్కు విజయ్ దేవరకొండ వాయిస్ ఓవర్ అందించడం మరో ఆకర్షణగా నిలిచింది.రాహుల్ రవీంద్రన్ దర్శకత్వం వహించిన ఈ సినిమా ఒక విభిన్నమైన లేడీ ఓరియెంటెడ్ ప్రేమ కథగా రూపొందుతోంది.టీజర్ చూసిన ప్రేక్షకులు ఈ సినిమాపై భారీ అంచనాలు పెట్టుకున్నారు. రష్మిక తక్కువ సమయంలో తెలుగు సినిమా పరిశ్రమలో అగ్రనటిగా ఎదిగింది. ఆమె నటన, వినయంతో అభిమానుల మనసు దోచుకుంది.