Vijay Divorce: తమిళ చిత్ర పరిశ్రమలో అగ్ర కథానాయకుడిగా వెలుగొందుతున్న ‘దళపతి’ విజయ్ వ్యక్తిగత జీవితం గురించి వస్తున్న వార్తలు ప్రస్తుతం సోషల్ మీడియాలో హాట్ టాపిక్గా మారాయి. విజయ్ భార్య సంగీత విడాకుల కోసం కోర్టును ఆశ్రయించారని, అందులో ఒక ప్రముఖ నటితో విజయ్కు ఉన్న సంబంధం గురించి ఆమె ప్రస్తావించారని ప్రచారం జరుగుతోంది. ఈ పరిణామం కోలీవుడ్ వర్గాల్లోనే కాకుండా, ఆయన భారీ అభిమాన గణంలోనూ పెద్ద ఎత్తున చర్చకు దారితీసింది. ముఖ్యంగా విజయ్ రాజకీయాల్లోకి అడుగుపెడుతున్న తరుణంలో ఇలాంటి ఆరోపణలు రావడం సంచలనం సృష్టిస్తోంది.
Read Also: Vijay Sangeetha Divorce: విజయ్ భార్య సంగీత ఎవరు? ఆమె బ్యాగ్రౌండ్ ఏంటి?
సంగీత తన విడాకుల పిటిషన్లో సదరు నటి పేరును నేరుగా వెల్లడించనప్పటికీ, నెటిజన్లు మాత్రం రకరకాల ఊహాగానాలు చేస్తున్నారు. గతంలో విజయ్తో కలిసి పలు సూపర్ హిట్ చిత్రాల్లో నటించిన స్టార్ హీరోయిన్ త్రిష పేరును ఈ వివాదంలోకి లాగుతున్నారు. వీరిద్దరూ కలిసి ఉన్న పాత ఫోటోలను, షూటింగ్ స్పాట్ దృశ్యాలను సోషల్ మీడియాలో పోస్ట్ చేస్తూ రచ్చ చేస్తున్నారు. అయితే, ఈ ఆరోపణలపై అటు విజయ్ గానీ, ఇటు త్రిష గానీ ఇప్పటివరకు ఎటువంటి అధికారిక ప్రకటన చేయలేదు.
ఈ వివాదానికి సంబంధించి వాస్తవాలు వెలుగులోకి రావాలంటే కోర్టు విచారణే కీలకం కానుంది. ఏప్రిల్ 20వ తేదీన కోర్టులో విజయ్ హాజరై తన వైఖరిని స్పష్టం చేయాల్సి ఉంటుందని సమాచారం. అప్పటి వరకు ఈ అంశంపై వస్తున్నవన్నీ కేవలం ఊహాగానాలుగానే పరిగణించాల్సి ఉంటుంది. రాజకీయ పార్టీ ‘తమిళగ వెట్రి కళగం’ను స్థాపించి ప్రజల్లోకి వెళ్తున్న విజయ్కు, ఈ వ్యక్తిగత సమస్యలు ఎలాంటి సవాలుగా మారుతాయో వేచి చూడాలి. ఏప్రిల్ 20న జరిగే విచారణ తర్వాతే ఈ విషయంలో పూర్తి స్పష్టత వచ్చే అవకాశం ఉంది.
Read hindi news: hindi.vaartha.com
Epaper: epaper.vaartha.com
Read Also: