బాలీవుడ్ గ్రీకు గాడ్ హృతిక్ రోషన్ (Hrithik Roshan) , టాలీవుడ్ యంగ్ టైగర్ జూనియర్ ఎన్టీఆర్ (Jr. NTR) కలిసి నటిస్తున్న భారీ యాక్షన్ ఎంటర్టైనర్ ‘వార్ 2’ ప్రస్తుతం ఇండియన్ సినిమాల్లో హాట్ టాపిక్. ఈ సినిమాపై అంచనాలు తారాస్థాయికి చేరాయి. తాజాగా హైదరాబాద్లో ఘనంగా జరిగిన ప్రీ-రిలీజ్ ఈవెంట్ ఆ అంచనాలకు మరో డోస్ ఇచ్చింది.వేదిక వద్దే పండగ వాతావరణం నెలకొంది. రెండు తెలుగు రాష్ట్రాల నుంచి వచ్చిన ఫ్యాన్స్ ఊచకోతగా నినాదాలు చేస్తూ ప్రాంగణాన్ని దద్దరిల్లేలా చేశారు.ఈ వేడుకలో హృతిక్ రోషన్ చెప్పిన మాటలు అందరినీ ఆకట్టుకున్నాయి. జూనియర్ ఎన్టీఆర్పై ఆయన కురిపించిన ప్రశంసల వర్షం మిగిలిన హీరోలకే స్ఫూర్తిగా నిలిచింది.”తారక్… నిన్ను కేవలం గమనించలేదు. నీతో నటించటం వల్ల ఎన్నో నేర్చుకున్నాను, అంటూ హృతిక్ మొదలు పెట్టారు.ఒక టేక్కి వెళ్లేటప్పుడు తారక్ 99.99 కాదు, నేరుగా 100% డెడికేషన్ ఇస్తాడు. అది నేనూ నేర్చుకున్న విషయమే. అతను షాట్ పూర్తయ్యాక మానిటర్ కూడా చూసుకోడు. ఎందుకంటే తాను హుండ్రెడ్ పర్సెంట్ ఇచ్చాడని అతనికి తెలుసు, అని హృతిక్ పేర్కొన్నారు.
ఎన్టీఆర్ మీకు అన్నయ్య అయితే, నాకు తమ్ముడు
హృతిక్ మాట్లాడుతూ ఎన్టీఆర్తో తన బంధాన్ని ఎంతో సానుభూతిగా వివరించారు. మా ఇద్దరి కెరీర్ జర్నీలో చాలా పోలికలు ఉన్నాయి. కాబట్టే నేను తారక్లో నన్ను, నాలో తారక్ను చూస్తాను, అన్నారు.అంతేకాదు, అభిమానులకు టచ్ అయ్యేలా ఒక ఎమోషనల్ లైన్ చెప్పారు – ఎన్టీఆర్ మీ అందరికీ అన్నయ్య అయితే, నాకు తమ్ముడు!ఈ డైలాగ్ విన్న వెంటనే ఫ్యాన్స్ నుంచి జైలు వినిపించింది. ఈ ఒక్క ముచ్చటే ఈవెంట్ హైలైట్గా నిలిచింది.యశ్ రాజ్ ఫిలిమ్స్ స్పై యూనివర్స్లో వస్తున్న ఈ భారీ చిత్రం ద్వారా ఎన్టీఆర్ బాలీవుడ్లో విలన్గా అరంగేట్రం చేస్తున్నాడు. దర్శకుడు అయాన్ ముఖర్జీ ఈ ప్రాజెక్ట్కి దర్శకత్వం వహిస్తుండగా, ఆదిత్య చోప్రా నిర్మాణ బాధ్యతలు చేపట్టారు.హృతిక్ రోషన్ సరసన కియారా అద్వానీ కథానాయికగా నటిస్తోంది. కాగా, సినిమా యాక్షన్ సీన్లు, డ్యాన్స్ నంబర్లు తెరపై భీభత్సం చేసేందుకు సిద్ధంగా ఉన్నాయి.
జనాబే ఆలీ – ఫైర్ వర్సెస్ ఫైర్ డ్యాన్స్ ఫేసాఫ్
ఈ సినిమాలోని హైలైట్ సాంగ్ “జనాబే ఆలీ. ఇందులో హృతిక్ – ఎన్టీఆర్ మధ్య ఒక డ్యాన్స్ వార్ ఉండనుందని టాక్. ఈ పాటను సాచెట్ టాండన్, సాజ్ భట్ ఆలపించగా, సంగీతాన్ని ప్రీతమ్ అందించారు.పాటకు సంబంధించిన బీట్స్ ఇప్పటికే వైరల్ అవుతున్నాయి. డ్యాన్స్ లవర్స్ ఈ సీన్ కోసం మాత్రం వెయ్యికళ్లతో ఎదురు చూస్తున్నారు.వార్ 2 సినిమా 2025 ఆగస్టు 14న వరల్డ్ వైడ్ రిలీజ్ కానుంది. హిందీతో పాటు తెలుగు, తమిళ భాషల్లో కూడా ఈ సినిమా విడుదల అవుతోంది. పాన్ ఇండియా స్థాయిలో బాక్సాఫీస్ దుమ్ములేపే సినిమా ఇదేనన్న ఫీల్ ఫ్యాన్స్కి వస్తోంది.
Read Also : Emma Thompson : హాలీవుడ్ నటికి డేటింగ్ ప్రపోజ్ చేసిన ట్రంప్!