Thalapathy Vijay: తమిళనాడు రాజకీయాల్లో ‘దళపతి’ విజయ్ స్థాపించిన తమిళగ వెట్రి కళగం (TVK) వర్సెస్ కేంద్ర ప్రభుత్వం అన్నట్లుగా పరిస్థితులు మారుతున్నాయి. దశాబ్దాలుగా డీఎంకే, అన్నా డీఎంకేల మధ్య సాగుతున్న పోరులోకి విజయ్ ఎంట్రీ ఇవ్వడం సంచలనం సృష్టించింది. అయితే, విజయ్ను ఎన్డీయే కూటమిలోకి ఆహ్వానించినప్పటికీ ఆయన ఒంటరి పోరుకే మొగ్గు చూపడం ఇప్పుడు రాజకీయ సెగలకు దారితీసింది. ఈ క్రమంలోనే విజయ్ తాజా చిత్రం ‘జననాయకన్’ షూటింగ్ వ్యవహారాలపై సీబీఐ దృష్టి సారించడం చర్చనీయాంశంగా మారింది.
Read Also:Assam Elections: అస్సాంలో బీజేపీ తొలి జాబితా విడుదల
తమిళనాట సినిమా – పాలిటిక్స్ వార్!
ప్రధానంగా కరూర్లో జరిగిన బహిరంగ సభలో చోటుచేసుకున్న తొక్కిసలాట ఘటనపై సీబీఐ దర్యాప్తు ముమ్మరం చేసింది. ఈ ప్రమాదంలో 41 మంది మరణించగా, దీని వెనుక సినిమా షూటింగ్ కోణం ఉందన్నది అధికారుల అనుమానం. ‘జననాయకన్’ సినిమా కోసం భారీ జనసందోహం ఉన్న దృశ్యాలను చిత్రీకరించే ఉద్దేశంతోనే విజయ్ సభకు ఆలస్యంగా వచ్చారని, తద్వారా జనం భారీగా పోగయ్యేలా చేశారని సీబీఐ భావిస్తోంది. మధ్యాహ్నం రావాల్సిన విజయ్ సాయంత్రం 7 గంటలకు చేరుకోవడం వల్ల తొక్కిసలాట జరిగిందని, ఆ దృశ్యాలను సినిమాలో వాడుకున్నారని ఆరోపణలు వస్తున్నాయి.
ఈ క్రౌడ్ షూటింగ్ అంశంపై సీబీఐ ఇప్పటికే విజయ్ను రెండుసార్లు విచారించింది. తనకు దీనిపై అవగాహన లేదని విజయ్ సమాధానం ఇవ్వడంతో, ఇప్పుడు దర్యాప్తు సంస్థ తన దృష్టిని చిత్ర దర్శకుడు మరియు నిర్మాణ బృందంపై సారించింది. త్వరలోనే ‘జననాయకన్’ టీమ్ను విచారణకు పిలిచే అవకాశం ఉంది. మరోవైపు, రాజకీయంగా లొంగదీసుకోవడానికే కేంద్రం సీబీఐని వాడుకుంటోందని విజయ్ మద్దతుదారులు ఆగ్రహం వ్యక్తం చేస్తున్నారు.
ఎన్నికల సమీపిస్తున్న వేళ విజయ్ ఒంటరిగానే బరిలోకి దిగుతానని స్పష్టం చేయడంతో, ఈ వివాదం మరింత ముదిరేలా కనిపిస్తోంది. కూటమి ప్రతిపాదనలను తిరస్కరించినందుకే సినిమా టీమ్ను ఇరకాటంలో పెడుతున్నారని టీవీకే నేతలు ఆరోపిస్తున్నారు. సినిమా షూటింగ్ మరియు రాజకీయ సభల మధ్య సాగుతున్న ఈ వివాదం తమిళనాట ఉత్కంఠను రేపుతోంది.
Read hindi news: hindi.vaartha.com
Epaper : epaper.vaartha.com
Read Also: