Rana daggubati health : ‘బాహుబలి’ చిత్రంతో ప్రపంచవ్యాప్తంగా గుర్తింపు పొందిన నటుడు రానా దగ్గుబాటి తన జీవితంలో ఎదురైన అత్యంత కఠిన దశను తాజాగా గుర్తుచేసుకున్నారు. ఒక ఇంటర్వ్యూలో మాట్లాడుతూ, తీవ్రమైన ఆరోగ్య సమస్య తలెత్తినప్పుడు తాను పూర్తిగా షాక్కు గురయ్యానని తెలిపారు. శస్త్రచికిత్స కోసం అమెరికాకు వెళ్లాల్సి వచ్చిందని, కుటుంబాన్ని విడిచి ఒంటరిగా గడిపిన ఆ రోజులు తన జీవితంలో తొలి అనుభవమని చెప్పారు. ఆ సమయంలో జీవితం గురించి కొత్తగా ఆలోచించడం ప్రారంభించానని, ఆరోగ్యం కంటే ముఖ్యమైనది ఏదీ లేదని గ్రహించానన్నారు.
ఆరోగ్య పరిస్థితి కారణంగా అప్పటికే అంగీకరించిన కొన్ని సినిమాలను వదులుకోవాల్సి వచ్చిందని రానా వెల్లడించారు. ఒక రెజ్లర్ కథతో కూడిన చిత్రం కూడా అందులో ఉందని తెలిపారు. శారీరకంగా వచ్చిన మార్పుల వల్ల ఆ పాత్రలకు తాను సరిపోనని భావించి, తీసుకున్న అడ్వాన్స్ను నిర్మాతలకు తిరిగి ఇచ్చేశానని చెప్పారు. అమెరికా నుంచి తిరిగి వస్తుండగా ఒక ఇమిగ్రేషన్ అధికారి తనను “భల్లాల దేవ” అని పిలవడం బాహుబలి రోజులను గుర్తు చేసిందని ఆయన సంతోషం వ్యక్తం చేశారు.
Read Also: T20WC 2026: ఆసీస్ ఎలిమినేషన్పై రికీ పాంటింగ్ ఏమన్నారంటే?
తన స్నేహితుడు వరుణ్ తేజ్ ఒకసారి పరామర్శించడానికి వచ్చాడని, అతడిని చూసి తన యవ్వనాన్ని గుర్తు చేసుకున్నానని రానా చెప్పారు. తాను చేయాల్సిన కొన్ని సినిమాలను వరుణ్కు ఇవ్వాలా అనే ఆలోచన కూడా వచ్చిందన్నారు. గతంలో కిడ్నీ సమస్యతో పాటు కంటి శస్త్రచికిత్స కూడా చేయించుకున్న రానా ప్రస్తుతం వివిధ ప్రాజెక్టుల్లో కీలక పాత్రలు పోషిస్తూ, నిర్మాతగా కూడా బిజీగా కొనసాగుతున్నారు. ఇటీవల రజినీకాంత్తో కలిసి నటించిన చిత్రం, అలాగే పలు అతిథి పాత్రలు ఆయన కెరీర్ను కొత్త దిశలో తీసుకెళ్తున్నాయి.
Read hindi news: hindi.vaartha.com
Read Also Epaper : epaper.vaartha.com
Read Also:
