తెలుగు తెరపై హీరోగా గుర్తింపు పొందిన నందమూరి బాలకృష్ణ మరోసారి వార్తల్లో నిలిచారు. అయితే ఈసారి సినిమా కాదు, ఆయన కొత్త బీఎండబ్ల్యూ కార్ రిజిస్ట్రేషన్ ప్రక్రియ కారణంగా.బుధవారం ఉదయం ఖైరతాబాద్ ఆర్టీవో కార్యాలయం సందర్శించిన బాలయ్య, తన బీఎండబ్ల్యూ కారుకు రిజిస్ట్రేషన్ చేయించుకునేందుకు స్వయంగా అక్కడికి వచ్చారు. అధికారులతో మాట్లాడి, అవసరమైన పత్రాలపై సంతకాలు చేశారు. ఈ సందర్భంలో ఆయన ఫోటో తీసుకునే ప్రక్రియ కూడా జరిగిపోయింది.ఇటీవల బాలకృష్ణ తన కార్కి ప్రత్యేకమైన ఫ్యాన్సీ నంబర్ను తీసుకోవడానికి వేలంలో పాల్గొన్నారు. TG 09 F 0001 అనే నెంబర్ కోసం ఆయన రూ. 7,75,000లు చెల్లించారు.
ఇది మామూలు విషయమేమీ కాదు – అభిమానులకు ఇది ఓ స్టైల్ స్టేట్మెంట్!హైదరాబాద్ జాయింట్ ట్రాన్స్పోర్ట్ కమిషనర్ రమేష్ వెల్లడించిన సమాచారం ప్రకారం, బాలకృష్ణ రిజిస్ట్రేషన్కి సంబంధించిన ప్రతి దశను తానే స్వయంగా పర్యవేక్షించారు.బాలకృష్ణ ఆర్టీవో కార్యాలయానికి వస్తున్నారని తెలిసి అభిమానులు భారీగా అక్కడికి చేరుకున్నారు.షూటింగ్ నుంచి నేరుగా, సాధారణ దుస్తుల్లో వచ్చిన ఆయనను చూసి ఫ్యాన్స్ ఖుషీ అయ్యారు. కొందరు సెల్ఫీలు ట్రై చేస్తే, మరికొందరు వీడియోలు తీశారు.ఆ వీడియోలు ఇప్పుడు సోషల్ మీడియాలో ఓ రేంజ్లో వైరల్ అవుతున్నాయి. ఇంత పెద్ద స్టార్ అయినా, ఇలా సాధారణంగా రావడం ఆశ్చర్యమే, అంటూ అభిమానులు కామెంట్లు పెడుతున్నారు. నిజంగానే బాలయ్య సింప్లిసిటీకి ఆదరణ తగ్గదు అనడంలో సందేహమే లేదు.సినిమాల్లో బలమైన డైలాగులు, రాజకీయాల్లో దూకుడుగా ఉండే బాలయ్య, వ్యక్తిగతంగా మాత్రం ఎంత సాధారణంగా ఉంటారో ఈ సంఘటన మరోసారి నిరూపించింది. రిజిస్ట్రేషన్ లాంటి పని కూడా ఇతరులపై వదిలేయకుండా, తానే రవాణా కార్యాలయానికి వచ్చి చేయడం నిజంగా ప్రేరణగా ఉంది.
Read Also : Mohan Babu : మోహన్ బాబు విచారణకు హాజరుకావాల్సిందే – సుప్రీంకోర్టు