అక్కినేని నాగ చైతన్య, దర్శకుడు దేవ కట్టా కలయికలో ‘మయసభ’ అనే సినిమా వస్తుందన్న వార్తలు ఇటీవల గట్టిగానే వినిపించాయి. కానీ, ఈ వార్తల్లో ఏమాత్రం నిజం లేదని చైతన్య బృందం అధికారికంగా స్పష్టం చేసింది.సామాజిక మాధ్యమాల్లో వైరల్ అయిన ఈ వార్తలపై స్పందించిన ఆయన టీమ్, “మయసభ ప్రాజెక్టుతో నాగ చైతన్యకి ఎలాంటి సంబంధం లేదు” అని తేల్చిచెప్పింది. ప్రస్తుతం చైతన్య తన పూర్తి దృష్టిని ‘NC24′ అనే చిత్రంపై కేంద్రీకరించినట్లు పేర్కొంది. అభిమానులు, మీడియా ఈ విషయాన్ని గుర్తుపెట్టుకోవాలని కోరింది.’NC24’ సినిమాకు యువ దర్శకుడు కార్తీక్ వర్మ దండు మెగాఫోన్ పట్టారు. ‘విరూపాక్ష’ వంటి హిట్ సినిమా తర్వాత దండు చేస్తున్న ఈ ప్రాజెక్ట్పై భారీ అంచనాలు ఉన్నాయి.ఈ చిత్రం ఒక మిస్టికల్ థ్రిల్లర్గా తెరకెక్కుతోంది. శ్రీ వెంకటేశ్వర సినీ చిత్ర, సుకుమార్ రైటింగ్స్ బ్యానర్లపై బీవీఎస్ఎన్ ప్రసాద్, సుకుమార్ కలిసి ఈ సినిమాను నిర్మిస్తున్నారు.ఇటీవల విడుదలైన కాన్సెప్ట్ పోస్టర్ సినిమాపై ఆసక్తిని పెంచింది.
పురాణ ఛాయలతో, ఒక సాహసిక కథను ప్రదర్శించేలా చైతన్యను చూపించింది.ఈ సినిమాకు సంగీతాన్ని ‘కాంతార’, ‘విరూపాక్ష’ ఫేమ్ అజనీష్ లోక్నాథ్ అందిస్తున్నారు. ఆయన మ్యూజిక్ సినిమాకి అదనపు బలం అవుతుందని అభిమానులు భావిస్తున్నారు.ఇంకా ఈ చిత్రంలో ‘లాపతా లేడీస్’ ఫేమ్ స్పర్శ్ శ్రీవాస్తవ కీలక పాత్రలో కనిపించనున్నారు. కథానాయికగా మీనాక్షి చౌదరి ఎంపికైనట్లు సమాచారం. అధికారిక ప్రకటన త్వరలో రానుంది.’NC24’తో నాగ చైతన్య సరికొత్త అవతారాన్ని ప్రదర్శించబోతున్నారు. విభిన్నమైన పాత్రతో, ప్రేక్షకులను కొత్తగా అలరించడానికి సిద్ధమవుతున్నారు.’మయసభ’ వార్తలు ఫేక్ అని క్లియర్ చేసిన చైతన్య బృందం, ఇప్పుడు ఫోకస్ అంతా ‘NC24’పై పెట్టింది. ఈ సినిమా కోసం చైతన్య అభిమానులు కూడా ఎంతో ఆతృతగా ఎదురు చూస్తున్నారు.
Read Also : Allu Arjun: విజయ్ దేవరకొండ అల్లు అర్జున్కు సర్ప్రైజ్ గిఫ్ట్