నందమూరి కల్యాణ్ రామ్ నటించిన తాజా సినిమా ‘అర్జున్ సన్నాఫ్ వైజయంతి’ శుక్రవారం విడుదలైంది దర్శకుడిగా ప్రదీప్ చిలుకూరి పరిచయం అవుతూ రూపొందించిన ఈ సినిమా, విడుదలైన వెంటనే ప్రేక్షకులను ఆకట్టుకుంటోంది. ముఖ్యంగా తల్లీకొడుకుల పాత్రల మధ్య భావోద్వేగాలు ప్రేక్షకుల గుండెలను తాకుతున్నాయి.విజయశాంతి, కల్యాణ్ రామ్ ఇద్దరూ కలిసి తెరపై కనిపించడం ప్రేక్షకులకు గొప్ప అనుభూతినిచ్చింది. వీరి మధ్య వచ్చే సన్నివేశాలు సినిమాకే హైలైట్ అయ్యాయి ప్రేక్షకులు సినిమాకే కాకుండా, ఈ జంట నటనకూ ప్రశంసలు కురిపిస్తున్నారు చిత్ర విజయం సందర్భంగా జరిగిన మీడియా సమావేశంలో కల్యాణ్ రామ్ కొన్ని ఆసక్తికర విషయాలు వెల్లడించారు. తన కుమారుడు సినిమా చూశాక చెప్పిన మాటలు తనకు ఎంతో గర్వంగా అనిపించాయని అన్నారు. ‘‘అప్పటివరకు భారతీయ సినిమాలో నేను అలాంటి సన్నివేశం చూడలేదు’’ అంటూ తన కుమారుడు అన్నాడని చెప్పాడు.ఈ మాటలు తన హృదయాన్ని తాకాయని, తన నటనపై పిల్లవాడి నుంచి వచ్చిన ప్రశంసలు ఎంతో ప్రోత్సాహాన్నిచ్చాయని తెలిపారు.
తాను నటించిన ప్రతి పాత్రలో కొత్తదనం ఉండాలనే ఆశతో పనిచేస్తానని చెప్పారు.సినిమాపై ప్రేక్షకుల స్పందన ఊహించినదానికంటే గొప్పగా ఉందని కల్యాణ్ రామ్ చెప్పారు. ఇందులో ముఖ్యంగా శ్రీకాంత్ పోషించిన పాత్ర, అందులో ఉన్న ట్విస్ట్ చాలామందికి నచ్చిందని చెప్పారు. సినిమా చూస్తున్న ప్రతి ఒక్కరినీ ఆ పాత్ర మాయ చేస్తుందని అభిప్రాయపడ్డారు.ఈ సినిమా తల్లిదండ్రుల పట్ల మన బాధ్యతను గుర్తు చేస్తుందన్నది కల్యాణ్ రామ్ మాట. ‘‘మన జీవితాల్లో తల్లిదండ్రుల పాత్ర ఎంత ముఖ్యమో ఈ కథ చెబుతుంది,’’ అని తెలిపారు.తొలి షోలు, రివ్యూలు చాలా పాజిటివ్గా వచ్చాయని టీమ్ చెబుతోంది. ముఖ్యంగా కుటుంబ ప్రేక్షకుల నుంచి మంచి స్పందన లభిస్తోంది. ఫీల్-గుడ్ ఎలిమెంట్స్, కుటుంబ సంబంధాలు సినిమా USPలుగా నిలుస్తున్నాయి.ఇక ఈ చిత్రం కలెక్షన్ల పరంగానూ మంచి వృద్ధి చూపిస్తున్నట్టు ట్రేడ్ వర్గాలు చెబుతున్నాయి. కల్యాణ్ రామ్కు ఇది మరో విజయమైన సినిమాగా నిలవబోతోందని అంచనాలు వేయబడుతున్నాయి.
Read Also : Urvashi Rautela : ఊర్వశీ రౌతేలాపై పూజారుల ఆగ్రహం