బాలీవుడ్ స్టార్ సైఫ్ అలీ ఖాన్పై కత్తితో దాడి చేసిన నిందితుడు చివరకు పోలీసుల చేతికి చిక్కాడు.గురువారం అర్ధరాత్రి సైఫ్ అలీ ఖాన్ తన నివాసంలో ఈ దాడి జరిగింది. ఘటన తర్వాత దుండగుడు అక్కడి నుంచి పరారయ్యాడు.సీసీటీవీ ఫుటేజీ ఆధారంగా పోలీసులు అతడిని పట్టుకునేందుకు భారీ గాలింపు చేపట్టారు. దాదాపు 20 పోలీస్ బృందాలు ఏర్పాటయ్యి వివిధ ప్రాంతాల్లో విచారణ నిర్వహించాయి. చివరకు ఛత్తీస్గఢ్లోని దుర్గ్ ప్రాంతంలో నిందితుడిని అరెస్ట్ చేశారు.ముంబయి పోలీసులు అందించిన సమాచారం ఆధారంగా రైల్వే పోలీసులు జ్ఞానేశ్వరి ఎక్స్ప్రెస్లో అతడిని అదుపులోకి తీసుకున్నారు. దుండగుడిని ఆకాశ్గా గుర్తించారు. నిందితుడిని ముంబయి తీసుకురావడానికి అక్కడి పోలీసులు ఇప్పటికే ఛత్తీస్గఢ్కు వెళ్లారు.ఈ దాడి కారణాలపై విచారణ కొనసాగుతోంది.
సైఫ్ అలీ ఖాన్ పరిస్థితి ప్రస్తుతం నిలకడగా ఉందని సమాచారం. పోలీసులు ఈ ఘటనపై మరిన్ని వివరాలను త్వరలో వెల్లడించనున్నారు.ఈ ఘటనపై అభిమానులు ఆందోళన వ్యక్తం చేస్తున్నారు. సైఫ్ అలీ ఖాన్కు బలమైన భద్రత కల్పించాల్సిన అవసరం ఉందని వారు అంటున్నారు. పోలీసుల చొరవతో నిందితుడిని త్వరగా పట్టుకోవడం వల్ల పలువురు ప్రశంసలు కురిపిస్తున్నారు.సైఫ్ అలీ ఖాన్ ప్రస్తుతం తన తదుపరి సినిమాల షూటింగ్స్లో పాల్గొంటున్నారు. ఈ ఘటన అతని ప్రాజెక్టులకు ఎలాంటి ప్రభావం చూపుతుందో చూడాలి.