సోషల్ మీడియాలో కొన్ని సాంగ్స్ అద్భుతమైన హిట్ అయ్యాయి.వాటిలో ఒకటి గోల్డెన్ స్పారో.ఈ పాట ఎంత క్రేజీ అయిందో చెప్పాల్సిన అవసరం లేదు.ఇప్పుడు ఈ సూపర్ హిట్ సాంగ్ తెలుగులో కూడా రాబోయింది!యూట్యూబ్ లో విడుదలైన ఈ పాట మంచి రెస్పాన్స్ అందుకుంటుంది.మీరు కూడా తెలుగులో ఈ పాట విన్నారా? గోల్డెన్ స్పారో పాట, సోషల్ మీడియాలో ఎంత హిట్గా మారిందో అందరికి తెలిసిందే.చిన్న పిల్లలు నుంచి పెద్దవారు వరకూ ఈ పాటకు స్టెప్పులు వేసి మైమరచిపోయారు. గతేడాది, కోలీవుడ్ హీరో ధనుష్ దర్శకత్వం వహించిన నిలవుక్కు ఎన్ మేల్ ఎన్నడి కోబం సినిమాలో ఈ పాట భాగంగా వచ్చింది.
విడుదలైన వెంటనే ఈ సాంగ్ బ్లాక్ బస్టర్ హిట్ అయింది.ఇప్పటి వరకు యూట్యూబ్ లో దాదాపు 14 కోట్ల వ్యూస్ సాధించింది. నెట్టింట ఈ పాట విశేషంగా ట్రెండ్ అయ్యింది.ఇప్పుడు ఈ పాట తెలుగులో కూడా విడుదలై, యూట్యూబ్ లో దూసుకుపోతుంది. ఇంతకాలం తమిళంలో అలరించిన ఈ పాట ఇప్పుడు తెలుగులో అందుబాటులోకి వచ్చింది.తెలుగులో రాంబాబు గోసాల సాహిత్యాన్ని అందించాడు. సుభ్లాషిణి, అరివు వంటి పాపులర్ గాయకులు ఈ పాటను ఆలపించారు.జీవీ ప్రకాష్ సంగీతాన్ని అందించారు.ఈ సినిమాలో ప్రియా ప్రకాష్ వారియర్, అనికా సురేంద్రన్ ప్రధాన పాత్రలలో నటించారు.
ధనుష్ దర్శకత్వం వహించిన ఈ చిత్రంలో ప్రియాంక మోహనన్ ప్రత్యేక పాత్రలో నటించారు.ఈ చిత్రంలోని మొదటి సాంగ్ గోల్డెన్ స్పారో.గతేడాది ఆగస్టులో తమిళంలో విడుదలైన ఈ పాట సంచలన విజయం సాధించింది.ఆ పాటకు సోషల్ మీడియాలో భారీ ఫాలోయింగ్ ఏర్పడింది.ఇంతలో, ధనుష్ ప్రస్తుతం కుభేర సినిమా షూటింగ్లో బిజీగా ఉన్నాడు.శేఖర్ కమ్ముల దర్శకత్వంలో రూపొందుతున్న ఈ సినిమా కొన్ని నెలలుగా వేగంగా షూటింగ్ జరుగుతుంది.ఇందులో అక్కినేని నాగార్జున కీలకపాత్రలో నటిస్తున్నాడు, అలాగే రష్మిక మందన్నా కూడా నటిస్తోంది.ఈ సినిమా నుంచి ఇప్పటివరకు విడుదలైన పోస్టర్లు, టీజర్ ప్రేక్షకులను ఆకట్టుకున్నాయి.
