3BHK Movie: నటుడు సిద్ధార్థ్ ప్రస్తుతం విభిన్నమైన కంటెంట్ చిత్రాలను ఎంచుకుంటూ ప్రేక్షకులను అలరిస్తున్నారు. తాజాగా ఆయన నటించిన తమిళ కామెడీ-డ్రామా చిత్రం 3BHK ఇప్పుడు ఓటీటీలోకి వచ్చేసింది. ఈ సినిమా థియేటర్లలో మంచి స్పందన పొందిన తరువాత, ఆగస్ట్ 1 నుండి అమెజాన్ ప్రైమ్ వీడియోలో స్ట్రీమింగ్ అవుతుంది. అలాగే విదేశాల్లో సింప్లీ సౌత్లోనూ అందుబాటులో ఉంది.
3BHK కథాంశం
3BHK Movie: అనేది మధ్యతరగతి కుటుంబాల (Middle-class families) కలలు, కష్టాలను చూపించే చిత్రం. వాసుదేవన్ (ఆర్. శరత్కుమార్) తన కుటుంబంతో కలిసి 3 BHK అపార్ట్మెంట్ కొనాలనే కలను నిజం చేసుకోవడానికి డబ్బులు దాచుకుంటాడు. ఈ కలను తన కొడుకు ప్రభు (సిద్ధార్థ్) ద్వారా నెరవేర్చుకోవాలని భావిస్తాడు.
అయితే, 34 ఏళ్లు వచ్చినా సరైన ఉద్యోగం లేని ప్రభు, తన తండ్రిపై ఆధారపడి జీవిస్తుంటాడు. ఈ నేపథ్యంలో, తన తండ్రి కలను నెరవేర్చడానికి ప్రభు ఏం చేశాడు, ఆర్థిక సమస్యలను, జీవిత సవాళ్లను వారు ఎలా ఎదుర్కొన్నారు అనేది ఈ చిత్రంలోని ముఖ్య అంశాలు.
సినిమా విశేషాలు
శ్రీ గణేష్ దర్శకత్వం వహించిన ఈ సినిమాలో సిద్ధార్థ్ (Siddharth), ఆర్. శరత్కుమార్, దేవయాని, మీతా రఘునాథ్ ముఖ్య పాత్రలు పోషించారు. జూలై 4న థియేటర్లలో విడుదలైన ఈ సినిమా విమర్శకుల నుండి, అభిమానుల నుండి మంచి స్పందన పొందింది. ఈ చిత్రంలో సిద్ధార్థ్ మరోసారి తన అద్భుతమైన నటనతో ప్రేక్షకులను ఆకట్టుకున్నారు.
ఈ సినిమా తమిళంతో పాటు తెలుగులోనూ అందుబాటులో ఉంది. మీరు కూడా ఈ కుటుంభం కథను ఓటీటీలో చూడండి.
3BHK సినిమా ఎలా ఉంది?
ఇది చాలా మంచి సినిమా. ఫైట్స్, డ్యూయెట్స్ లాంటివి లేని కుటుంబ కథా చిత్రం, ఒక మధ్యతరగతి కుటుంబం 3 బెడ్ రూమ్ ఫ్లాట్ కొనడానికి ఎలాంటి ఇబ్బందులు ఎదుర్కొంటుందో చూపిస్తుంది. జీవితంలో ఇలాంటి సమస్యలను ఎదుర్కొన్న వారు కూడా ఈ చిత్రాన్ని ఆదరించగలరు.
3BHK సినిమా ఎన్ని గంటలు?
ఈ 3BHK సినిమా 2 గంటల 21 నిమిషాల నిడివి ఉంది.
Read hindi news: hindi.vaartha.com
Read also: