IMDB 2024లో అత్యంత ప్రజాదరణ పొందిన చిత్రాల జాబితాను ప్రకటించింది.ఈ జాబితాలో తెలుగు నుంచి ప్రభాస్ నటించిన కల్కి 2898 ఏడి అగ్రస్థానంలో నిలిచింది.అలాగే, వివిధ భాషల హిట్ చిత్రాలు కూడా ఇందులో స్థానం సంపాదించాయి.ఈ ఏడాది ప్రేక్షకుల హృదయాలను గెలుచుకున్న సినిమాలను ఇప్పుడు పరిశీలిద్దాం.
- కల్కి 2898 ఏడి ప్రభాస్, దీపికా పదుకోనే, కమల్ హాసన్, అమితాబ్ బచ్చన్ ప్రధాన పాత్రల్లో నటించిన ఈ పాన్ ఇండియా సినిమా భారీ విజయం సాధించింది. నాగ్ అశ్విన్ దర్శకత్వంలో రూపొందిన ఈ చిత్రం 2024లో అత్యధిక వసూళ్లు రాబట్టింది. 2. స్త్రీ 2 రాజ్ కుమార్ రావు, శ్రద్ధా కపూర్ జంటగా నటించిన ఈ హారర్ కామెడీ చిత్రం బాక్సాఫీస్ రికార్డులను బద్దలు కొట్టింది. 3. మహారాజా విజయ్ సేతుపతి నటించిన ఈ చిత్రం విమర్శకుల ప్రశంసలు అందుకుంది. నితిలన్ సామినాథన్ దర్శకత్వం వహించిన ఈ సినిమాలో అనురాగ్ కశ్యప్, మమతా మోహన్ దాస్ కీలక పాత్రలు పోషించారు. 4. షైతాన్అజయ్ దేవగణ్, ఆర్. మాధవన్, జ్యోతిక కీలక పాత్రల్లో నటించిన ఈ సూపర్ నేచురల్ థ్రిల్లర్ ప్రేక్షకులను ఆకట్టుకుంది. 5. ఫైటర్ హృతిక్ రోషన్, దీపికా పదుకోనే ప్రధాన పాత్రల్లో నటించిన ఈ దేశభక్తి యాక్షన్ డ్రామా 2019లో జరిగిన బాలాకోట్ దాడి ఆధారంగా రూపొందింది. 6. మంజుమ్మెల్ బాయ్స్ చిదంబరం దర్శకత్వం వహించిన ఈ కామెడీ థ్రిల్లర్ పెద్ద విజయం సాధించింది. 7. భూల్ భులయ్యా 3 కార్తీక్ ఆర్యన్ ప్రధాన పాత్రలో నటించిన ఈ హారర్ కామెడీ సీక్వెల్ ప్రేక్షకులను ఆకట్టుకుంది. 8. కిల్ కరణ్ జోహార్ నిర్మించిన ఈ యాక్షన్ థ్రిల్లర్ మంచి విజయాన్నిఅందుకుంది.లాపటా లేడీస్ కిరణ్ రావు దర్శకత్వం వహించిన ఈ చిత్రం 97వ అకాడమీ అవార్డ్స్కు భారత అధికారిక ఎంట్రీగా ఎంపికైంది.ఈ జాబితా సినిమాలకు ప్రేక్షకులు చూపిన ఆదరణకు అద్దం పడుతుంది.
