అల్లు అర్జున్ హీరోగా నటించిన తాజా చిత్రం ‘పుష్ప 2:ది రూల్’ భారీ అంచనాల మధ్య ప్రేక్షకుల ముందుకు వచ్చి సంచలన విజయాన్ని సాధిస్తోంది.సుకుమార్ దర్శకత్వంలో రూపొందిన ఈ యాక్షన్ థ్రిల్లర్ డిసెంబర్ 5న విడుదలై కేవలం మూడు రోజుల్లోనే రూ 621 కోట్ల వసూళ్లను అందుకుంది.ఇది ఇండియన్ సినీ చరిత్రలోనే ఓ అరుదైన రికార్డు. మొదటి భాగం ‘పుష్ప:ది రైజ్’తో పోలిస్తే ఈ సీక్వెల్కి అందుకున్న స్పందన,వసూళ్లు మరింత స్థాయికి చేరాయి.ఈ సినిమా ప్రారంభంలోనే టికెట్ ధరల విషయంలో భారీ నిర్ణయాలు తీసుకున్నారు.ప్రీమియర్ షో కోసం టికెట్ ధరలను రూ 800 వరకు పెంచగా, సాధారణ ప్రదర్శనల కోసం కూడా సింగిల్ స్క్రీన్లలో రూ 150, మల్టీప్లెక్స్లలో రూ 200 అదనపు ఛార్జీలు విధించారు.
ఈ నిర్ణయం వల్ల కొంతమంది ప్రేక్షకులు అసంతృప్తి వ్యక్తం చేసినప్పటికీ, సినిమా దూసుకెళ్లే వసూళ్లపై ఎటువంటి ప్రభావం చూపలేదు. మల్టీప్లెక్స్లలో టికెట్ ధర రూ 500 దాటగా, సింగిల్ స్క్రీన్లలో రూ 300కి పైగా ఉండడం గమనార్హం.సినిమా బృందం ప్రేక్షకులకు మరింత చేరువ కావాలని టికెట్ ధరలను తగ్గించే చర్యలకు దిగి, డిసెంబర్ 9 నుంచి సింగిల్ స్క్రీన్ టికెట్ ధరను రూ 105గా, మల్టీప్లెక్స్ టికెట్ ధరను రూ 150గా నిర్ణయించారు. ఈ నిర్ణయం వల్ల సామాన్య ప్రేక్షకులు కూడా ఈ భారీ చిత్రాన్ని చూడగలిగే అవకాశం పొందుతున్నారు. హైదరాబాద్లో మల్టీప్లెక్స్ టికెట్ ధర రూ 395గా, విజయవాడలో రూ 300గా, విశాఖపట్నంలో మాత్రం రూ 300-377 మధ్య ఉండటం గమనించవచ్చు.
పుష్ప 2 విడుదలైన మొదటి రోజు రూ 175 కోట్ల వసూళ్లు నమోదు చేసింది. ఆ తరువాత రోజు రూ 93.8 కోట్లు, మరుసటి రోజు రూ 119 కోట్లు, చివరికి ఆదివారం రోజే రూ 141 కోట్ల వసూళ్లను సాధించింది. బాక్సాఫీస్ వద్ద సినిమా చూపిస్తున్న ప్రభావం చూస్తే, రోజుకు వంద కోట్ల రూపాయలకు పైగా వసూళ్లు సాధించడంలో ఈ సినిమా ఎంత ప్రభావవంతంగా నిలిచిందో అర్థమవుతుంది.ఈ చిత్రానికి వచ్చిన పాజిటివ్ టాక్తో పాటు టికెట్ ధరల తగ్గింపు కూడా ప్రేక్షకులను పెద్ద ఎత్తున థియేటర్లకు ఆకర్షిస్తోంది. ఇప్పటికే బాలీవుడ్ బ్లాక్బస్టర్లైన ‘జవాన్’, ‘పఠాన్’ సినిమాల రికార్డులను బద్దలు కొట్టిన పుష్ప 2, భారతీయ సినీ రంగంలో కొత్త మైలురాళ్లను సృష్టిస్తోంది.
ఈ చిత్రం కేవలం వసూళ్ల పరంగానే కాకుండా, ప్రేక్షకుల మనసులను కూడా గెలుచుకుంది. సినిమా చూసిన ప్రతి ఒక్కరు అల్లూఅర్జున్ నటనకు, సుకుమార్ దర్శకత్వ ప్రతిభకు ముగ్ధులైపోతున్నారు.ఇలా చూస్తుంటే, పుష్ప 2 బాక్సాఫీస్ను కుదిపేస్తూనే, మరికొన్ని రోజులు తన ప్రభావాన్ని కొనసాగిస్తుందని నిస్సందేహంగా చెప్పవచ్చు.
