సంక్రాంతికి విడుదలైన సినిమాలకు మంచి స్పందన వస్తోంది. రామ్ చరణ్ గేమ్ ఛేంజర్, బాలకృష్ణ డాకు మహారాజ్, వెంకటేశ్ సంక్రాంతికి వస్తున్నాం సినిమాలకు పాజిటివ్ టాక్ వచ్చింది. గేమ్ ఛేంజర్, డాకు మహారాజ్ సినిమాలు కమర్షియల్ యాక్షన్ ఎంటర్టైనర్లు, కానీ వెంకీ సినిమా సంక్రాంతికి వస్తున్నాం మాత్రం పూర్తిగా ఫ్యామిలీ ఎంటర్టైనర్గా మారింది.విక్టరీ వెంకటేష్ హీరోగా నటించిన సంక్రాంతికి వస్తున్నాం సినిమా ఇటీవల విడుదలై బ్లాక్ బస్టర్ హిట్గా నిలిచింది. అనిల్ రావిపూడి దర్శకత్వం వహించిన ఈ సినిమా జనవరి 14న విడుదలై ప్రేక్షకుల మన్ననలు పొందింది.
ఫ్యామిలీ ఎంటర్టైనర్గా రూపొందించిన ఈ చిత్రంలో వెంకటేష్ తన ప్రత్యేకమైన కామెడీ టైమింగ్తో ప్రేక్షకులను అలరించారు.ఈ సినిమాతో, వెంకటేష్ పక్కన ఐశ్వర్య రాజేష్, మీనాక్షి చౌదరి హీరోయిన్లుగా నటించారు. సినిమా తొలి షో నుండి సూపర్ హిట్ టాక్ తెచ్చుకుంది, ఇది చిత్ర యూనిట్కి ఆనందాన్ని ఇచ్చింది. ఈ చిత్రంపై సాంప్రదాయ ప్రేక్షకులతో పాటు సినీ ప్రముఖులు కూడా ప్రశంసలు వెల్లువెత్తించారు.సూపర్ స్టార్ మహేష్ బాబు కూడా ఈ సినిమా గురించి తన అభిప్రాయం పంచుకున్నారు. మహేష్, తన సోషల్ మీడియా వేదికగా సంక్రాంతికి వస్తున్నాం సినిమాను బాగా ఎంజాయ్ చేశామని తెలిపారు.
“సరైన పండుగ సినిమా ఇది. వెంకటేష్ గారు అద్భుతమైన నటనతో ఆకట్టుకున్నారు. నా దర్శకుడు అనిల్ రావిపూడి వరుసగా బ్లాక్ బస్టర్ హిట్స్ను అందుకోవడం గర్వంగా ఉంది. ఐశ్వర్య రాజేష్, మీనాక్షి చౌదరి అద్భుతంగా నటించారు. బుల్లి రాజు పాత్రలో కనిపించిన చిన్నోడు కూడా చాలా బాగా నటించి, నవ్వించాడు.” అని మహేష్ పేర్కొన్నారు.ఈ పోస్ట్ ప్రస్తుతం సోషల్ మీడియాలో వైరల్గా మారింది. సంక్రాంతికి వస్తున్నాం సినిమా ప్రేక్షకులకు సరదా, సందడి ఇచ్చింది.