ఇటీవల ఓటీటీ ప్లాట్ఫామ్స్పై హారర్, సస్పెన్స్ థ్రిల్లర్ జానర్కి ఆదరణ పెరుగుతోంది. తమిళం, మలయాళం భాషల్లో సూపర్ హిట్ అయిన సినిమాలను తెలుగులోకి డబ్ చేసి విడుదల చేయడం కొత్త ట్రెండ్గా మారింది. ఈ నేపథ్యంలో మరో ఆసక్తికరమైన హారర్ రొమాంటిక్ చిత్రం “ఆరగన్” త్వరలో ఓటీటీ ప్రేక్షకుల ముందుకు రానుంది. తమిళంలో సూపర్ హిట్గా నిలిచిన ఈ సినిమాలో మైఖేల్ తంగదురై, కవిప్రియ మనోహరన్, శ్రీరంజని కీలక పాత్రలు పోషించారు.
అరుణ్ కేఆర్ దర్శకత్వం వహించిన ఈ సినిమా, అక్టోబర్లో థియేటర్లలో విడుదలైంది.మిక్స్డ్ టాక్ వచ్చినప్పటికీ, చిత్రంలో ఉండే మైండ్ బ్లోయింగ్ ట్విస్టులు, ప్రధాన జంట మైఖేల్-కవిప్రియ కెమిస్ట్రీ ప్రేక్షకులను బాగా ఆకట్టుకున్నాయి. ఈ సినిమాకు IMDbలో 8.4 రేటింగ్ వచ్చి, ప్రేక్షకుల నుండి మంచి ప్రశంసలు అందుకుంది. డిఫరెంట్ కాన్సెప్ట్ ఉన్నప్పటికీ, డైరెక్షన్ పరంగా కొంత మెరుగుదల అవసరమని విమర్శలు ఎదుర్కొంది. అయినా, యాక్టింగ్, ఎమోషనల్ డ్రామా, హారర్ ఎలిమెంట్స్ సినిమాను ప్రత్యేకత కలిగించాయి. తమిళ్ సినిమా “ఆరగన్”కు ఓటీటీ రిలీజ్ డేట్ ఫిక్స్ అయింది.
జనవరి 3 నుంచి ఈ సినిమా ఆహా తమిళం ప్లాట్ఫామ్లో స్ట్రీమ్ అవుతుంది. అయితే, ఇది తెలుగులో కూడా స్ట్రీమింగ్ అవుతుందా అనే క్లారిటీ ఇంకా రాలేదు. కానీ హారర్ ఫాంటసీ కథలను ఇష్టపడే తెలుగు ప్రేక్షకులు కూడా దీనిని ఆసక్తిగా ఎదురుచూస్తున్నారు ఓటీటీలో హారర్ సినిమాల ప్రభావం తాజాగా థియేటర్లకు వచ్చే సినిమాలు చాలా త్వరగా ఓటీటీలోకి చేరుతున్నాయి. “ఆరగన్” కూడా థియేటర్ రిలీజ్ తర్వాత మూడు నెలల వ్యవధిలో ఓటీటీ ప్రేక్షకులను పలకరించేందుకు సిద్ధమైంది. హారర్ ఫాంటసీ కథాంశాలను ఇష్టపడే ప్రేక్షకుల కోసం “ఆరగన్” మళ్లీ ఆసక్తికర అనుభూతిని అందించనుంది.
