‘పుష్ప 2’ – అల్లు అర్జున్ మేనియా మరోసారి మోతెక్కించేందుకు సిద్ధం!‘పుష్ప: ది రైజ్’ ఘన విజయం తర్వాత అల్లు అర్జున్ స్థాయి అంతకంతకే పెరిగింది. ఈ చిత్రం పాన్ ఇండియా స్థాయిలో సంచలన విజయాన్ని అందుకోవడంతో పాటు, అల్లు అర్జున్ జాతీయ అవార్డు అందుకున్న మొదటి తెలుగు హీరోగా నిలిచాడు.
ఇప్పుడు ‘పుష్ప 2: ది రూల్’పై ప్రేక్షకుల్లో అంచనాలు ఆకాశాన్ని తాకుతున్నాయి. డిసెంబర్ 5, 2024న థియేటర్లలో విడుదల కాబోతున్న ఈ సినిమా ప్రేక్షకులలో అమిత ఉత్సాహం నింపింది.‘పుష్ప 2’ విడుదల పండగ అల్లు అర్జున్ అభిమానులు ఎప్పటి నుంచో ఎదురుచూస్తున్న ఘట్టం చివరికి వచ్చేసింది. డిసెంబర్ 4 సాయంత్రం ప్రీమియర్లతో ప్రారంభమయ్యే ఈ పుష్ప పండగ, డిసెంబర్ 5న ప్రపంచవ్యాప్తంగా థియేటర్లలో సందడి చేయనుంది. రష్మిక మందన్న కథానాయికగా అల్లు అర్జున్కు జోడీగా నటించగా, ఈసారి ప్రత్యేక పాటలో డాన్సింగ్ క్వీన్ శ్రీలీల మెరిసిపోనుంది.
పుష్ప 1లో సమంత చేసిన స్పెషల్ సాంగ్ ఎంత హిట్టైందో అందరికీ తెలుసు. అదే స్థాయిలో ఈ సాంగ్ కూడా అభిమానులను ఆకట్టుకునేలా ఉండబోతోందని చిత్ర బృందం తెలిపింది.విడుదలకు ముందే రికార్డులు‘పుష్ప 2’ ఆరంభం నుంచే కొత్త రికార్డులు సృష్టిస్తోంది. ప్రపంచవ్యాప్తంగా అడ్వాన్స్ బుకింగ్స్ ద్వారా ఈ చిత్రం రూ. 100 కోట్లు దాటిన తొలి దశలోనే బిగ్గెస్ట్ పాన్ ఇండియా సినిమా అనిపించుకుంది. విడుదల అనంతరం మరింత భారీ వసూళ్లు సాధించడం ఖాయం అని ఫ్యాన్స్ విశ్వసిస్తున్నారు. సినిమా పై భారీ అంచనాలు ‘పుష్ప 1’ ఎలా ఇండస్ట్రీని షేక్ చేసిందో అందరికీ తెలిసిందే. ఇక ‘పుష్ప 2’ మరింత బలమైన కథ, గ్రాండ్ యాక్షన్ సీక్వెన్సెస్తో ప్రేక్షకులను మంత్రముగ్ధులను చేయనుందని సమాచారం. రవుల రమేష్, జగపతిబాబు, ఫహద్ ఫాజిల్, అనసూయ, సునీల్ వంటి నటుల ప్రతిభతో ఈ సినిమాకు మరింత ఆకర్షణ చేకూరింది.
ఇప్పటికే విడుదలైన టీజర్, ట్రైలర్ సినిమాపై భారీ అంచనాలు పెంచేశాయి.సినిమా ప్రమోషన్స్ తెలుగు రాష్ట్రాలతో పాటు ఉత్తరాది ప్రేక్షకులనూ ప్రత్యేకంగా ఆకర్షించిన ఈ సినిమా, గ్రాండ్ ప్రమోషన్ ప్లాన్తో అందరి దృష్టిని ఆకర్షించింది. బన్నీ అభిమానులు మాత్రమే కాదు, సినిమాపై పాన్ ఇండియా స్థాయిలో సినీ ప్రేమికులు ఆసక్తి చూపిస్తున్నారు. మరింత వేడి పుట్టించే పుష్ప ఫీవర్ ‘పుష్ప 2: ది రూల్’ విడుదలతో అల్లు అర్జున్ సిల్వర్ స్క్రీన్పై మరోసారి హవా కొనసాగించేందుకు సిద్ధంగా ఉన్నారు. పుష్ప బ్రాండ్ను మరో లెవెల్కు తీసుకెళ్లనున్న ఈ సినిమా పాన్ ఇండియా సూపర్ స్టార్ స్థాయిని మరింత పటిష్టం చేయనుంది. ‘డిసెంబర్ 5’ అల్లుఅర్జున్ అభిమానుల కోసం ఓ స్పెషల్ పండగగా మారడం ఖాయం!
