సంక్రాంతి రేసు నుంచి మెగాస్టార్ చిరంజీవి విశ్వంభర సినిమా తప్పుకున్న తర్వాత, ఈ ప్రాజెక్ట్పై మరింత ఆసక్తి పెరిగింది. కానీ అభిమానుల్ని ఒక్క విషయమే కాస్త నిరాశపరుస్తోంది.అదే ఈ సినిమా విడుదల తేదీ పండగ సీజన్లో వస్తుందని భావించిన సినిమా, ఇప్పుడు ఎప్పుడొస్తుందో స్పష్టత లేదు.వాల్తేరు వీరయ్య విజయం తర్వాత చిరు తిరిగి విజయలక్ష్మి పొందాలనుకున్నారు. కానీ భోళా శంకర్ అనుకున్నంత ప్రభావం చూపలేకపోయింది.ఈ సినిమా ఫలితం మెగా ఫ్యాన్స్ను తీవ్ర నిరాశలోకి నెట్టింది. ఆ షాక్ నుంచి కోలుకోవడానికి అభిమానులకు సమయం పట్టింది.ఇప్పుడు వాళ్ల ఆశలన్నీ “విశ్వంభర”పైనే కేంద్రీకరించాయి. బింబిసార తో ప్రభావం చూపిన వశిష్ట, విశ్వంభరకు భారీ అంచనాలు తెచ్చారు.
ఇది పూర్తిగా విజువల్ వండర్గా ప్రేక్షకులను అలరించాలని దర్శకుడు కృషి చేస్తున్నారు.టీజర్లో వచ్చిన కొన్ని నెగటివ్ కామెంట్లను పరిగణలోకి తీసుకుని, మేకర్స్ మళ్లీ రీ-వర్క్ మొదలుపెట్టారు.అందుకే సినిమా సంక్రాంతి విడుదలకు సిద్ధం కాలేదు. ప్రస్తుతం “విశ్వంభర” కొత్త విడుదల తేదీపై స్పష్టత రాలేదు.టాలీవుడ్ వర్గాల సమాచారం ప్రకారం, మే 9న ఈ సినిమా విడుదల కావచ్చని ప్రచారం జరుగుతోంది.కానీ, ఏప్రిల్ 10 లేదా 18న ప్లాన్ చేసిన సినిమాల్లో ఏదైనా వాయిదా పడితే, చిరు ఆ తేదీని తనకు సెట్ చేసుకునే అవకాశాలు ఉన్నాయట.
ప్రభాస్ “రాజా సాబ్” ఏప్రిల్ 10న వస్తుండగా, తేజ సజ్జా మిరాయ్ ఏప్రిల్ 18న రిలీజ్ కావాలని ప్లాన్ చేశారు. ఈ సినిమాల్లో ఏదైనా వాయిదా పడితే, “విశ్వంభర” ఆ ఖాళీని భర్తీ చేస్తుందనే వార్తలు వినిపిస్తున్నాయి.చిరంజీవి కెరీర్లో ఈ సినిమా ప్రత్యేకమైన స్థానాన్ని సంపాదించాలని ఫ్యాన్స్ ఆశిస్తున్నారు.విశ్వంభర టీజర్కు నెగిటివ్ కామెంట్స్ వచ్చినా,దర్శకుడు దాన్ని పక్కాగా సరిచేసి, విజువల్ ఎఫెక్ట్స్తో ఆడియన్స్ను ఆశ్చర్యపరచాలని చూస్తున్నారు.సంక్రాంతి రేసు నుంచి తప్పుకున్న “విశ్వంభర” ఎలాంటి ప్రభావం చూపుతుందో చూడాలి.చిరంజీవి ఈ చిత్రంతో మళ్లీ తన మ్యాజిక్ రిపీట్ చేస్తారనే నమ్మకంతో అభిమానులు ఎదురుచూస్తున్నారు.