మాస్ కా దాస్ విశ్వక్ సేన్ మరోసారి ప్రేక్షకులను అలరించేందుకు “మెకానిక్ రాకీ” అనే మాస్ యాక్షన్, కామెడీ ఎంటర్టైనర్తో ప్రేక్షకుల ముందుకు రాబోతున్నారు. ఈ సినిమాకు సంబంధించిన టీజర్ ఇప్పటికే విడుదలై, ప్రేక్షకులలో మంచి ఆసక్తిని రేకెత్తించింది. టీజర్లో విశ్వక్ సేన్ తన యాక్టింగ్ స్కిల్స్తో ఆకట్టుకోవడమే కాకుండా, సినిమా పట్ల క్యూరియాసిటీ పెంచాడు.
ఇప్పటికే విడుదలైన రెండు పాటలు కూడా ప్రేక్షకుల నుండి అనూహ్య స్పందన పొందాయి. సినిమా ఆడియో, విజువల్స్ పరంగా మెప్పించేందుకు ఉన్న సత్తా ఈ చిత్రానికి హైలైట్ అవుతోంది. రవితేజ ముళ్లపూడి దర్శకత్వం వహిస్తున్న ఈ చిత్రాన్ని రామ్ తాళ్లూరి ఎస్ఆర్టీ ఎంటర్టైన్మెంట్స్ బ్యానర్పై నిర్మిస్తున్నారు. ఈ రోజు సినిమాకు సంబంధించి మరో కీలక అప్డేట్ను మేకర్స్ వెల్లడించారు. “మెకానిక్ రాకీ” నవంబర్ 22న థియేటర్లలో గ్రాండ్ గా విడుదల కానుంది.
విడుదలకు సంబంధించిన పోస్టర్లో విశ్వక్ సేన్ కాస్త గంభీరంగా కనిపిస్తుండగా, సినిమాలో హీరోయిన్ పాత్రలు పోషిస్తున్న మీనాక్షి సాంప్రదాయ చీరలో, శ్రద్ధా మోడర్న్ అవుట్ఫిట్లో చాలా అందంగా కనిపించారు. వీరి లుక్స్ ప్రేక్షకులను మరింత ఆకర్షించాయి. ఇక సినిమాకు సంబంధించిన మరిన్ని హైలైట్లు తెలుసుకోవాలంటే, ఈ నెల 20న విడుదల కానున్న ట్రైలర్ కోసం వేచి చూడాల్సిందే.
సినిమాకు మ్యూజిక్ అందిస్తున్న జేక్స్ బిజోయ్ బాణీలు ఇప్పటికే సంగీత ప్రేమికులను ఆకట్టుకుంటున్నాయి. మనోజ్ కటసాని సినిమాటోగ్రాఫర్గా తన పనితనంతో సినిమాకు మరింత అందం తెచ్చారు. ఎడిటింగ్ విభాగంలో అన్వర్ అలీ పని చేస్తుండగా, క్రాంతి ప్రియం ప్రొడక్షన్ డిజైనర్గా సహకరిస్తున్నారు. ఈ భారీ ప్రాజెక్ట్కు సత్యం రాజేష్, విద్యాసాగర్ జె ఎగ్జిక్యూటివ్ ప్రొడ్యూసర్స్గా వ్యవహరిస్తున్నారు.
ఈ సినిమా విశ్వక్ సేన్ కెరీర్లో మరో మైలురాయి కావాలని ఆశిస్తున్న అభిమానులు, నవంబర్ 22న థియేటర్లలో మాస్ యాక్షన్ మేజిక్ను ఆస్వాదించడానికి సిద్ధంగా ఉన్నారు.