అన్ని భాషల్లో ప్రేక్షకుల మనసులను గెలుచుకున్న దర్శకుడు, నటుడు సముద్రఖని తాజాగా తన కొత్త సినిమా ‘మిస్టర్ మాణిక్యం’ తో ప్రేక్షకుల ముందుకు రానున్నారు. ఈ చిత్రానికి నంద పెరియసామి దర్శకత్వం వహించారు, కాగా నిర్మాణ బాధ్యతలను జీపీ రేఖా రవి కుమార్, చింతా గోపాలకృష్ణా రెడ్డి , మరియు రాజా సెంథిల్ తీసుకున్నారు.ఈ చిత్రాన్ని డిసెంబర్ 28న విడుదల చేయనున్నారు. ఈ మూవీ ఫస్ట్ లుక్ మరియు రిలీజ్ డేట్ పోస్టర్ను ప్రముఖ నిర్మాత మరియు డిస్ట్రిబ్యూటర్ సునీల్ నారంగ్ చేతుల మీదుగా విడుదల చేశారు.
ఈ కార్యక్రమం నవంబర్ 24న ఘనంగా జరిగింది. విశాల్ చంద్రశేఖర్ అందించిన సంగీతం సినిమాకు ప్రత్యేక ఆకర్షణగా నిలవనుంది.ఈ సినిమా కథాంశం మానవతా విలువలపై కేంద్రీకృతమై ఉంది. ఈ చిత్రంలో ఉన్న అంశాలు ప్రతి ఒక్కరి మనసులను హత్తుకుంటాయని దర్శకుడు నంద పెరియసామి చెబుతున్నారు.
ముఖ్యంగా, సముద్రఖని ప్రధాన పాత్రలో నటించడం సినిమాకు ప్రధాన బలంగా మారనుంది. విమానం తర్వాత నాకు మరింత పేరు తెచ్చే చిత్రం ఇది. మానవతా విలువలతో కూడిన కథ ఉండటంతో, ఈ సినిమా ప్రేక్షకులను మరింతగా ఆకట్టుకుంటుందన్న నమ్మకం ఉంది,’అని సముద్రఖని విశ్వాసంతో చెప్పారు. కుటుంబం మొత్తం కలిసి చూసేంత శుభ్రమైన కంటెంట్ ఈ చిత్రంలో ఉంటుందని, అందుకే ఈ సినిమాపై తనకు ప్రత్యేక గౌరవం ఉందని ఆయన అన్నారు. నిర్మాతలలో ఒకరైన రవి మాట్లాడుతూ, ‘ఈ కథ వినగానే సముద్రఖని అంగీకరించడం మాకు ఎంతో ఆనందంగా ఉంది.
సినిమాలో సముద్రఖని, నాజర్, భారతీరాజా వంటి గొప్ప నటీనటులు పని చేశారు. ఈ ప్రాజెక్ట్లో భాగం కావడం ప్రతీ ఒక్కరికీ గర్వకారణం,’ అని వ్యాఖ్యానించారు. ప్రముఖ నిర్మాత శివలెంక కృష్ణప్రసాద్ మాట్లాడుతూ, ‘‘ఈ చిత్రాన్ని నిర్మించిన టీమ్ చాలా మంచి కంటెంట్ను అందిస్తోంది. ఈ సినిమా ఘన విజయం సాధించి నిర్మాతలకు పేరు, డబ్బు రెండూ తీసుకురావాలని కోరుకుంటున్నాను,’అని అన్నారు. ‘మిస్టర్ మాణిక్యం’ ఒక క్లీన్ ఫ్యామిలీ ఎంటర్టైనర్గా నిలుస్తుందని, ప్రేక్షకుల నుండి విశేష ఆదరణ పొందుతుందని ఆశిస్తున్నారు. డిసెంబర్ 28న విడుదల కానున్న ఈ సినిమా ప్రేక్షకుల హృదయాలను గెలుచుకోవడం ఖాయమని టీమ్ ధీమా వ్యక్తం చేసింది.