ది లయన్ కింగ్ తెలుగు వెర్షన్కు మహేష్ బాబు వాయిస్ ఓవర్ ఇచ్చిన వార్తలతో ఈ సినిమా తెలుగు ప్రేక్షకులలో భారీ క్రేజ్ తెచ్చుకుంది. ముఖ్యంగా, మహేష్ బాబు వాయిస్ ముఫాసా పాత్రకు పర్ఫెక్ట్గా సరిపోయిందని అందరూ అంటున్నారు. అలాగే నాని, జగపతి బాబు వాయిస్లు కూడా చిత్రానికి అదనపు ఆకర్షణగా నిలిచాయి.మహేష్ బాబు అభిమానులు ఒక సినిమా రిలీజ్ అయితే ఎలా సెలెబ్రేట్ చేస్తారో తెలిసిన విషయమే.ఇప్పుడు ఆయన వాయిస్ ఓవర్కి కూడా అదే స్థాయి ఆదరణ చూపిస్తున్నారు.థియేటర్ల వద్ద బాబు అభిమానులు తమ అభిమానాన్ని విపరీతంగా వ్యక్తపరుస్తున్నారు.ఫ్యాన్స్ సందడి చూస్తే,మహేష్ బాబు ప్రాజెక్ట్ వస్తే దాని ఊపే వేరుగా ఉంటుందని చెప్పవచ్చు. మహేష్ బాబు అభిమానులు ప్రస్తుతం రాజమౌళి దర్శకత్వంలో తెరకెక్కనున్న ప్రతిష్టాత్మక ప్రాజెక్ట్కు సంబంధించిన అప్డేట్స్ కోసం ఆసక్తిగా ఎదురుచూస్తున్నారు.కానీ ఇంతవరకు ఒక్క అప్డేట్ కూడా రాకపోవడంతో ఫ్యాన్స్ నిరుత్సాహంగా ఉన్నారు. ఈ ఏడాది మహేష్ బాబు పూర్తిగా తన లుక్ మార్చడంలో, ప్రాజెక్ట్ కోసం సిద్ధమవడంలో బిజీగా ఉన్నారు. విజయేంద్ర ప్రసాద్ స్క్రిప్ట్ కూడా పూర్తయిందని వార్తలు వినిపిస్తున్నాయి.
అయితే, రాజమౌళి మరియు కార్తికేయ ఆఫ్రికాలో లొకేషన్లను ఖరారు చేయడంలో నిమగ్నమై ఉన్నారని సమాచారం.డిసెంబర్లో పూజా కార్యక్రమాలు జరుగుతాయన్న ఊహాగానాలు వినిపించినప్పటికీ, ఇప్పటికీ షూటింగ్ ప్రారంభం కాలేదు.ఫ్యాన్స్ ఈ అప్డేట్ కోసం ఎంతగానో ఎదురు చూస్తున్నారు. “మహేష్ బాబు సినిమా అప్డేట్ ఎప్పుడు వస్తుందా?” అని ఆతృతగా ఉన్నారు.అయితే, తాజా సమాచారం ప్రకారం, ఈ ప్రాజెక్ట్కు సంబంధించిన అధికారిక ప్రకటన ఇంకా ఆలస్యం కానుంది.మహేష్ బాబు వాయిస్ ఇచ్చిన ముఫాసా సినిమాను అభిమానులు ఎంతో ప్రేమగా స్వాగతిస్తున్నారు.సినిమా సింహాల కథతో నడుస్తుండటంతో, ఫ్యాన్స్ తమ ఆలోచనలతో కొత్తదనాన్ని చూపించారు.థియేటర్ వద్ద సింహాలను తీసుకురావడం అసాధ్యం కాబట్టి, పిల్లితో సినిమాలోని ఐకానిక్ సన్నివేశాన్ని రీక్రియేట్ చేయడానికి ప్రయత్నించారు.