దక్షిణాది అందాల తార సమంత ఈ మధ్య సిటాడెల్ రీమేక్ అయిన హనీబన్నీ వెబ్ సిరీస్ ప్రచారాల్లో పాల్గొంటూ దేశవ్యాప్తంగా విస్తృతంగా పర్యటిస్తోంది. ఈ ప్రచార కార్యక్రమాల్లో ఆమె అనేక ఇంటర్వ్యూలు ఇస్తూ ప్రేక్షకులను ఆకట్టుకుంటోంది ఈ సిరీస్ నవంబరు 7న అమెజాన్ ప్రైమ్ లో స్ట్రీమింగ్ ప్రారంభంకానుంది సమంతతో పాటు దర్శకులు రాజ్ అండ్ డీకే కూడా ప్రమోషన్ కార్యక్రమాల్లో భాగస్వామ్యమవుతున్నారు దర్శకుల కథనం ప్రకారం షూటింగ్ సమయంలో సమంత ఎంతో కష్టపడి పనిచేసిందని ఆమెకు ఉన్న ప్రొఫెషనల్ నైపుణ్యం వల్ల సిరీస్ పెద్ద విజయాన్ని సాధిస్తుందనే విశ్వాసం వ్యక్తం చేస్తున్నారు ఈ సిరీస్లో హీరోగా నటించిన వరుణ్ ధావన్ కూడా ఇంటర్వ్యూల్లో సమంత గురించి ప్రశంసలు వ్యక్తం చేశాడు. ప్రెస్ మీట్లలో సమంత ఎదుర్కొంటున్న ప్రశ్నలకు ధైర్యంగా సాహసంగా సమాధానమిస్తోందని పరిశ్రమలో ఆమెకు ఉన్న ప్రతిష్ట మరింత పెరుగుతోంది.
ఇంటర్వ్యూల్లో సమంత తన వ్యక్తిగత జీవితం ముఖ్యంగా రెండో వివాహం గురించి ఎదురైన ప్రశ్నకు ఓపికగా స్పందించింది. తన మొదటి పెళ్లి గురించి మాట్లాడుతూ, తాను ప్రేమించి, ఇష్టపడి వివాహం చేసుకున్నానని కానీ ఇప్పుడు విడిపోయామని జీవితంలో రెండో వివాహం గురించి తాను ఆలోచించలేదని తనకు మరో వ్యక్తి అవసరం లేదని స్పష్టంగా చెప్పింది. ఈ ఆత్మవిశ్వాసంతో ఆమె ఇచ్చిన సమాధానాలు ప్రేక్షకుల నుంచి మరియు సోషల్ మీడియా వేదికలపై సమంతకు మంచి పేరును తెచ్చిపెట్టాయి. ఆమె పట్ల చాలా మంది నెటిజన్లు ప్రశంసలు కురిపిస్తున్నారు.
సమంత-నాగచైతన్య విడాకులపై గతంలో వచ్చిన అనేక వార్తలు నేటికీ సోషల్ మీడియాలో చర్చలకు తావిస్తోంది. వీరి విడాకులకు కారణం “ఫ్యామిలీ మ్యాన్” సిరీస్ చేసినందునని కొందరు చెబుతుంటే “జాను” సినిమా చేయడం కూడా ఒక కారణమని మరికొందరు అభిప్రాయపడుతున్నారు. అంతేకాక, నాగచైతన్య-శోభిత ధూళిపాళ మధ్య ఉన్న సన్నిహితత కూడా వీరి మధ్య విభేదాలకు దారితీసిందని వార్తలు వినిపించాయి. అయితే, వీటిపై స్పష్టత మాత్రం నాగచైతన్య మరియు సమంత నుంచి వచ్చింది. ఇద్దరు మధ్య వచ్చిన మనస్పర్థల కారణంగా విడిపోతున్నామని వారు ప్రకటించారు. అయినప్పటికీ, ఈ విషయం గురించి సామాజిక మాధ్యమాల్లో రకరకాల కథనాలు కొనసాగుతూనే ఉన్నాయి.
